موزعين “البُوطَا” بغاو يشعلوها مع الحكومة.. الوزير الداودي ل”كود”: كاين حلول ممكنة

omarelmouzaine@gmail.com
رغم الاجتماع اللي دارو قبل ايام لحسن الدوادي، الوزير المكلف بالحكامة، مع موزعي “البوطا”، فإنهم مزال غادي يصعدو من الجهة ديالهوم يلا مكانش واحد الاتفاق مكتوب بينهوم وبين الحكومة ف اللقاء لي غادي تعقدو معاهوم وكان متفق عليه هادي شحال.
ووفق ما كشفت عنه مصادرمطلعة، ل”كود”، فإن الجمعية المهنية ديال مستودعي البوطا بالجملة غادي تدير لقاء يوم غد السبت باش تحسم ف الخطوات التصعيدية ديالها اتجاه الحكومة، بعدما اتهمتها بتجاهل ملفهم المطلبي.
في المقابل، أوضح الوزير الداودي، في تصريح ل”كود”، قائلاً: “حنا عدنا اجتماع مع الموزعين انهار الثلاثاء 8 يناير الجاري وغادي نشوفو الحلول الممكنة معاهوم والحاجة لي اتفقنا ضروري نكتوبها وميكنش نغدرو الناس”.
وبخصوص واش كيتوقع يكون شي إضراب ديال صحاب “البوطا”، أضاف الوزير الداودي: “لا أتوقع يكون شي إضراب وهوما ناس واعيين وفاهمين ولي ممكن غادي نشوفوه معاهوم والامور معقدة وكاين لي غادي أمور غادي تتحل هاد العام وكاين لي مزال وهوما مجاوش قبل مشروع قانون المالية حقاش كاين أمور كتعالج بهاد المشروع”