ماشي غير ضربة للصحافة راه ضربة للسياسيين والنقابيين: الحكم على البرلماني حيسان ب6 اشهر د الحبس فقضية تسريب اخبار للصحافة

الحكم المثير للجدل اليوم لي حكمات به ابتدائية الرباط، بإدانة أربعة صحافيين ومستشار برلماني في القضية التي رفعها ضدهم رئيس مجلس المستشارين بنشماش بخصوص تسريب أخبار صحيحة عن لجنة تقصي الحقائق حول افلاس الصندوق المغربي التقاعد، ماشي غير ضربة لحرية الصحافة، راه ضربة للحريات للنقابية والسياسية، وفق مصدر متتبع للمحاكمة.
عبد الحق حيسان، كولشي كيعرفو ف اكادير خصوصا العمال والاساتذة، وكيفاش طلع بلا دفيع لمجلس المستشارين، كيتعتبر من البرلمانيين القلال لي ديما كيترافع على القضايا المهمة فالبلاد (التعليم والشتغيل والصحة)، ولي تشهر بأقوى مداخلة ف مجلس المستشارين فاش فضح برنامج الحكومة لي روج ليه العثماني بأنه برنامج اجتماعي، وحيسان جاوبو ديك الوقت بمعطيات صادمة بالقول :إن قانون المالية لهذه السنة جاء بإعفاءات ضريبية تقدر ب 34 مليار درهم لصالح الأثرياء والشركات، مقابل ميزانية صغيرة لجميع البرامج الاجتماعية تقدر ب12 مليار دهم”.
طبعا الحكم ضد برلماني، عندو شعبية كبيرة فسوس وفوسط العمال بالمنطقة، ولي حضر للمحاكمة غايعرف كيفاش جاو عمال وعاملات من مناجم بأقاليم تنغير وتارودانت، باش يناصروه فالمحاكمة.
وحكمت المحكمة على كل من محمد أحداد، كوثر زاكي، عبد الاله سخير، وعبد الحق بلشكر ، والمستشار البرلماني حيسان بالحبس ستة أشهر غير نافذة وغرامة مالية قدرها 10000 الاف درهم، في الوقت الذي كان ينتظر أن تبرء المحكمة ساحة الزملاء الاربعة.