الاتهامات والقصف والسبان مبغاهم حد هاد السيمانة بين المغني عادل الميلودي وجوج شباب كيقولو أنهم ولادو. جبدو تصاور العرس ملي تزوجو سنوات هادي وأكدوا أن الميلودي باهم، وماباغين منو والو من غير الاعتراف بالنسب لأنهم عياو من الهضرة والقيل والقال. الميلودي دغيا جاوب، وبحال ديما كان جوابو ناقص ومكلخ ووصفهم بالحيوانات وقال “داري كبيرة ولكن صالحة للكلاب شي واحد اخر لا”، حيت هو مربي الكلاب والمشاش في دارو من أجل مراتو لي كتبغي الحيوانات. وماجات فين الناس يسدو موضوع اعترافو بولادو، خرجات مراتو ايمان بوجهها حمر، ووجهات اتهامات خطيرة في حق الصحافية لي صورات مع مرات الميلودي السابقة وولادو، وقالت “حصلتها مع راجلي كيتباوسو بوش آ بوش في ألميريا فالبيرو”. هاد المستوى اللي وصلو ليه هاد الناس هابط بزاف.
