شكون ممكن يديرو محمد السادس رئيسا لجنة اعداد المشروع التنموي: جطو والجواهري واليعقوبي وبنهيمة مرشحين

الملك محمد السادس وعد يدير رئيس للجنة اللي غادية تكلف باعداد المشروع التنموي الجديد فالدخول السياسي الجاي اي شتنبر او اكتوبر. ماشي غير الرئيس كاين حتى الاعضاء اللي يتوقع يكونو كثار بحال اللجنة اللي دارت اصلاح العدالة ويمثلو قطاعات مختلفة فالدولة فالقطاع الخاص وفالمجتمع المدني.
الرئاسة اهم منصب فهاد اللجنة اللي عندها مهمة محددة ويتم حلها. فاللول خرج اسم باطرون بنك المغرب عبد اللطيف لجواهري حقاش السيد كبر وما غاديش يبقى فبلاصتو فاطار ما اعلنه محمد السادس فخطاب العرش عن ضخ دماء جديدة وقافزة وصغيرة فالادارة المغربية٬ وعليه يمكن تطعاه هاد اللجنة خاصة انو كان فلجنة اصلاح العدالة وقبل هاد الشي كان ضمن 14 اللي اختارهم الحسن الثاني فاخر ايامو باش يفكرو فالمغرب فمستقبل المغرب.
ماشي غير لجواهري اللي كاين٬ ادريس جطو مرشح لهاد المنصب. رئيس المجلس الاعلى للحسابات اللي كان وزير اول تعيينو غادي يعطي اشارة سلبية. السيد خدا الحكومة من الاتحاديين وخرجات الدولة عن المنهجية الديموقراطية فبداية عهد محمد السادس. يجي فالذكرى 20 لعيد العرش ويخرج هاد الشخص صعيبة سياسيا.
كاين اسماء مرشحة بحال محمد اليعقوبي والي الرباط سلا. السيد عندو احترام خاص وكيخدم وما معروفش عليه لا الرشوة لا البيع والشرا وهاد الملف ديال التنمية حافظو ومطالع عليه. هاد الشي ايلى ما عطاوهش شي منصب اخر مهم.
كاين ادريس بنهيمة الباطرون السابق للخطوط الملكية المغربية. حتى هو كان من رجالات الحسن الثاني 14 . مشكلتو ان المخزن جرى عليه من لارام” وهو اختار ينضم لحزب الاستقلال. هاد الشي ممكن يؤثر عليه.