دنيا باطمة خايفة بنادم ينسى صوتها ويعقل غير على زبايلها وقضية حمزة مون بيبي.. وهي تخرج “كاشكول” ماعندو حتى إضافة فنية -فيديو

الفنانة دنيا باطمة عاقت براسها أنها خاصها تديها في فنها وتخلي الناس يسمعو صوتها عوض ما تبقى مقابلة لمعاطية في مواقع التواصل الاجتماعي. ولكن للأسف فاقت معطلة وخرجات أغنية فيها الأغاني المغربية “كشكول شعبي” ما عندها حتى إضافة فنية.
الأغنية لي خرجات باطمة ما خاسرة عليها والو من غير تسجيل في أستوديو للأغاني الشعبية القديمة حافضينهم لمغاربة منذ الأزل. وهادشي كامل دارتو فقط باش تخبي سلسلة الزبايل والقضايا لي متورطة فيها في المحاكم، بحال قضية حسابات حمزة مون بيبي.
دنيا للأسف ما تقدرش تخرج أغنية ديالها نظرا للمصاريف لي كتحتاجها الأغنية من كلمات وتسجيل وفيديو كليب وأيضا تقديم الأغنية في ندوة، الأمر لي صعيب عليها ديرو خصوصا أن مداخيلها نقصات لأنه أعراس الخليج ما بقاوش بحكم أنها ممنوعة من السفر.
ولي خاص الناس يعرفوه أن دنيا خدامة كتجمع لفلوس من أي حاجة لدرجة كدير إشهارات لزيوت الشعر في حسابها في الأنستكَرام لأن مداخليها قلالت بزاف مقارنة بالملايين الي كانت كتضرب في ليلة وحدة في أعراس الخليج.