واش بصح المغرب غادي يصدر الكمامات وأجهزة التنفس لميركان..؟. مول الإشاعة نصاب وفايت انتحل صفة مستشار ديال ساركوزي.. ومصدر ل"كود": داكشي كذوب فكذوب

نصاب سميتو الان بولوماك، فايت محكوم بالحبس بسبب انتحاله لصفة مستشار تقني للرئيس الفرنسي السابق نيكولا ساركوزي، مرج إشاعة على صفحتو الخاصة بموقع التواصل الاجتماعي "فايسبوك"، كتب فيها ان المغرب كيصدر "كمامات" وأجهزة التنفس للولايات المتحدة الأمريكية.
مصدر مطلع أوضح ل"كود" أنه مكاين لا تصدير لا حتى حاجة، موضحا أن هادشي لا أساس له من الصحة بشكل نهائي.
مول هاد "الفايك نيوز" اطلع نصاب محترف، السيد كيقول على أنه عندو ماستر من جامعة كاليفورنيا، ومتورط ف تزوير كونترا ديال الخدمة سانيه ليه زعما ساركوزي.
باختصار، آلان بولوماك، نصاب فايت محكوم بالحبس، واحد بشهر نافذ، والثاني ب5 أشهر موقوفة التنفيذ، مع إجبارية التتبع عند طبيب ديال الأمراض العقلية، ودابا بانتلو ينشر هاد المعلومات الزائفة، اللي ماعندو بها حتى شي علاقة.