تسجيلات صوتية خربقا سكان العاصمة.."كود" جابت تفاصيل ظهور كورونا في أشهر مخبزة بالرباط

تسجيلات صوتية توزعو لبارح بالليل فالواتساب، اغلبها فايك نيوز وكذوب، كيقولو بلي "كورونا" منتشرة فجوج مخابز مشهورين ف الرباط (حيمي وبومالك) لي كاينين ف حي المحيط بشارع المقاوم.
مصادر مطلعة قالت ل"كود" بإن "جميع المستخدمين لي فهاد المخابز دارو تيست بعدما تصابت عاملة نظافة كادير الميناج لهاد جوج مخابز"، مضيفا :"التيست لي دارو أكد بأنهم غير حاملين للفيروس".
لي تصابت هي فقط سيدة كانت كادير الميناج، وراه كتلقا العلاجات ديالها"، كتقول مصادر "كود".
دبا هاد جوج المخابز تسدو هادي يومين، وهوما من المخابز لي كتعرف رواج كبير طيلة فترات السنة. وغالبا غادي يرجعو يخدمو بعدما يدار تعقيم لهيهم.