خاص. وزارة الصحة شرات أخيرا ستة دآلات التحليل بعدما خسرو ليها آخرين كانت خدامة بيهم

قالت مصادر خاصة ل"كود"، أن وزارة الصحة اللي كانت مترددة فشأن شراء المزيد من الالات لي كادير التحاليل ديال كورونا، شرات أخيرا ستة منهوم، قيمة كل واحدة جوج مليون درهم.
وزادت ذات المصادر في تصريح ل"كود"، بكون الوزارة كانت خدامة بكل طاقتها فمختبر باستور، ما أدى لتشكيل ضغط كبير على هاد الالات اللي خسروا، الشي لي خلا الوزارة تشري بسرعة ستة دالالات آخرين، وتوزعهم على الرباط، الدار البيضاء، مراكش، أكادير، باش ينقص الضغط على معهد باستور من جهة، ويرتافع عدد التحليلات من جهة أخرى، وهادشي اللي بان يوم أمس اللي تجاوز فيه عدد التحليلات 860 تحليلة فيوم واحد وهو رقم قياسي، وأول أمس اللي تجاوز عدد التحاليل 650.
وزاد المصدر أن الأطباء ماتايقينش فديك لي تيست ديال الشينوا، وباغيين يخدموا بالطريقة الأكثر فاعلية حقاش يلا كانوا لي تيست دالشينوا فالصو يقدرو يديرو كارثة فلبلاد.