فرانسا جابت اعتابو باش تنقذ سياحتها زمن كورونا. اعتابو سفيرة فوق العادة ولمجرد سفير الله ينعلها عادة. مع هاد التخربيق على دعم الفنان ونسيتوني من المال العام ووو دار اشهار لاكبر دليل سياحي فالعالم وبايقاعات اغنية هادي كذبة باينة

ما أجمل أن تبيع أغنية مغربية لفنانة شعبية كيحبوها المغاربة لأكبر دولة سياحية فالعالم. هاد ليام فاكبر دولة سياحية في العالم اللي هي فرانسا دايرة واحد الحملة اشهارية فجميع القنوات العمومية والخاصة من "كنال" حتى "ديسكوڤري" لدليل ميشلان الشهير بموسيقى "هادي كذبة باينة" لنجاة عتابو. اختارو ايقاعاتها. نفس التوزيع الموسيقي للي تم اختيارو قبل فالالعاب الاولمبية لندن 2012.
نجاة كانت ديما كتهكم على هادوك اللي كيقدمو ريوسهم فنانة كبار وكيشوفو فيها شوفة فشي شكل باش بدات. هي وصلات العالمية وهما بقاو معروفين عند جيل قديم
اعتابو دخلاتنا حنا كايقاعات وموسيقي للعالمية. هاد الشي تصادف مع النقاش حول الدعم اللي خصصاتو وزارة الثقافة لفنانين وشي رجعو بشعبوية وشي انتاقدو.
ايقاعات "هاي هاي هاي وهادي كذبة باينة" فاشهار اكبر گيد سياحي واقواهم. فالالعاب الاولمبية كاين اكثر من مليار ونص متابع للحفل الافتتاحي.
دابا هادي خاص يتعلمو منها الفنانين مزيان. تجربتها تجربة فنانة نجحات بوحدها امنات بمواهبها. الفن طبعا خاصو الدعم. الدولة خاصها تساند ولكن هاد اللغط اللي دار شوه شي وحدين فهاد الفئة.
اعتابو ما بكاتش على الاطلال كيف لطيفة رأفت وتسخرات لجهات باش تصفي حسابات لكبار اللي عاشراتهم وكتعرفهم
رأفت كدافع على المتهم بالاغتصاب سعد لمجرد اللي هو سفير الله ينعلها عادة للاغنية المغربية٫ وكتعتابرو سفير لهاد الاغنية. باش تفهمو عقليتها كيف دايرة. واش كاينة شي فنانة كتعتابر راسها من الرواد دافع على متهم مع حالات العود٬ فقضايا الاغتصاب؟ اييه كاينة لطيفة رأفت
https://www.youtube.com/watch?v=lnPqFq1lIGg&feature=youtu.be