سميرة بلوي طلعات هي الذكية فهاديك "دوزيم". السيدة اللي دازت من الموسيقى لتقديم صباحيات دوزيم" نقلا عن صباحيات عشرات القنوات الدولية هي السفيرة ديال منتوجات الزينة "اوريفلام". خدات بلاصة لطيفة رأفت وشوميشة اللي دوزو وقتهم. الروينة فين كاينة. هاد السيدة خدامة فدوزيم" وهي اللي كتقدم "صباحيات دوزيم" اللي "اوريفلام" الراعي ليها. كلشي مخلط ومشبك وشي داخل فشي ياك. البلوي كتاخذ على منصبها "سفيرة" المنتوج شي 300 مليون فالعام. الشركة رابحة حقاش وجه البرنامج كتستغلو فتسويق المنتوجات من خلال لقاءات دورية. اللي خاسر هي القناة. الصحافي او المنشط يقدر يدير الاشهار ماشي سفير للمنتوج الراعي. خالوطة جلوطة ما كاينة غير عندنا وعند الدول اللي ما كتحترمش المشاهد، ثم دوزيم مانعة كاميرامانات ولا تقنيين يديرو بريكولات. واخا هاد المنع ما شادش ولكن كاين. علاش كاميرامان ممنوع وبلوي مسموح ليها دير هاد الشي
