عرفات "كود" من مصادر محلية أن البرلماني عن دائرة إنزكان آيت ملول، رمضان بوعشرة، تقاس بفيروس كورونا المستجد. البرلماني، اللي كيشغل كذلك منصب رئيس المجلس الجماعي للدشيرة، تقاس بالفيروس هو ببنتو، وتوصلو بالنتائج ديال التحاليل ديالهم لبارح الجمعة، وهوما بجوج دابا كيتلقاو العلاج فالمنزل ديالهم، بحيث جاتهم أعراض خفيفة ناكتستدعيش نقلهم للسبيطار. ومجموعة من المخالطين ديال البرلماني، اللي سبق ليهم حضرو معاه للدورة الاستثنائية لمجلس جماعة الدشيرة، الخميس اللي فات، خضعو حتى هوما للتيست ديال كورونا، ومازال ماتعرفات النتائج