شابكة فالسبع. من بعد ما جرا عليهم.. زيان رفع دعوى قضائية على شارية وأعضاء الحركة التصحيحية بسباب "انتحال صفة مسرؤول حزبي"

علن المنسق الوطني للحزب المغربي الحر، محمد زيان، فبلاغ ليه، رفع دعوى قضائية على عضو المكتب السياسي إسحاق شارية، وأنور بن بوجمعة والغليمي بناسف وحسان موساوي، اعضاء الحركة التصحيحية دالحزب، بسبب ما وصفه ب"انتحال صفة مسؤول حزبي والتزوير واستعماله".
البلاغ اللي تعمم على وسائل الإعلام، جا فنفس الوقت فاش عقد المجلس السياسي للحزب دورة غير عادية، للتدارس والبث فقرارات طرد مجموعة من الأعضاء، على راسهم شارية وبنبوجمعة، ولي بعد قليل غيتم الإعلان على النتائج ديالو.
وهذ الانقسام اللي وقع فالحسب جا بعد بلاغ لسيان، طالب فيه بحل وحدة من مؤسسات الدولة، وهو البلاغ اللي انتقدوه بزاف فالحزب، وقررو بعدو يديرو حركة تصحيحية، كتطالب بإقالة زيان.