زهرها كيهرس الحجر.. مرا لقات ألماسة كبيرة ساوية الملاين وسط جردة – تغريدة وتصاور

لقات ميريكانية في جردة "هوت سبرينكَز الوطنية" (Hot Springs National Park) پياسة ديال الألماس صفرا من عيار 4.38 كارا كتوصل قيمتها المادية ل15 ألف دولار.
نورين وريدبركَ (Noreen Wredberg) قالت أنها عرفات هاد الجردة، اللي كيمشيو ليها الناس اللي كيقلبو على الكنوز، (عرفاتها) أول مرة في حياتها ملي كانت كتفرج ف وثائقي هادي سنوات طويلة، وملي جابتها الفرصة ومشات ليها بدات هي وراجلها كيقلبو.
من بعد ساعة لاروب ديال التبقشيش لقاو الحجرة اللي ماعرفوهاش فاللول شنو هي، حتى داوها عند مول الجردة اللي متخصص في هادشي وقال ليهم أنها أكبر ماسة صفرا يلقاوها فهاد العام 2021.