خاصو وثائق كتبين الهوية ديالو باش ياخد فلوسو.. حراگ دزايري فبلجيكا ربح 250 ألف أورو فاللوطو

كيحاول شاب جزائري مقيم فبلجيكا، من إثباب الهوية ديالو، بعدما ربح 250 ألف أورو من لعبة اليانصيب، ولكن القانون البلجيكي مكيسمحلوش ياخد فلوسو بسبب الوضعية القانونية ديالو فلبلاد.
وحسب ما أكده تداولته وكالة "أوروبا بريس"، قال ألكسندر فيرشتاتي، محامي الشاب الجزائري، بأن التذكرة لي غاتمكن الشاب من الحصول على فلوسو، كتتواجد حاليا عند السلطة القضائية ديال مدينة بروج، بسبب محاولة 3 من صحابو يعاونوه باش ياخد فلوسو.
الشبان ب3 بهم تعتاقلو من طرف البوليس، بعد محاولتهم مساعدة الشاب الجزائري فتحصيل المبلغ لي ربحو، بطريقة احتيالية، وتطلق سراحهم مباشرة بعدما سلم راسو.
القضاء دبلجيكا متساهل فهاد المسألة، غير خاص الشاب الجزائري يبين لهم حسن نيته فصرف هاد الأموال، بحيث ممكن يتحصل عليهم، فاش يثبت الهوية ديالو، حسب ما قالو المحامي ديالو.
وفهاد الإطار أكد المحامي ديالو بلي راهم حاليا كيحاولو يتواصلو مع عائلتو فلجزائر باش يصيفطولو وراقو، لي كثتبت الهوية ديالو باش ياخد فلوسو، بحيث تلقى وعد من السلطات البلجيكية أنها ماغاديش تصيفطو لبلادو قبل ما ياخد المبلغ لي ربحو.
الورقة لي ربح بها الجزائري المبلغ ديال 250 ألف أورو، تباعت فمدينة زيبروغه الساحلية، لي كيتواجدو بها عدد كبير من المهاجرين السريين لي كيحاولو يوصلو لإنكلترا عبر الإختباء فشاحنات النقل الدولي وحاويات السلع.
https://www.rtbf.be/article/un-algerien-remporte-250000-euro-grace-a-un-jeu-a-gratter-de-la-loterie-nationale-mais-ne-peut-recuperer-son-gain-10975798