بعدما فضحاتو فالصحافة.. المخرج الدزايري “أكتاروس” اعترف ببنتو من مراتو الممثلة المغربية حنان المسعوي

الفضيحة والشوهة لي دارت الممثلة المغربية حنان المسعودي لراجلها محمد أكتاروس، المخرج الفرنسي من أصول جزائرية جابت النتيجة من بعد شهرين.
المسعودي حطات البارح تصويرة ديال راجلها مخرج سلسلة "كبور والحبيب" ديال حسن الفذ وهيثم مفتاح معنق بنتو وضاحكين وفرحانين، وعلنات أنهم تصالحو والفضل للصحافة والناس لي وصلو رسالتها.
View this post on Instagram
الحمدلله ……. شكرا لكاع الناس لي دعات و وقفات معايا ⁦, هاد الصورة كتبين الفرحة ديال بنتي برجوع الأب ديالها فحياتها … الحمدلله ربي حقق لي الأمنية ديالي … كنشكر الصحافة المغربية و خوتي وخواتاتي المغاربة.. الوقفة ديالكم كانت سبب كبير فهاد الصلح ⁦♥️⁩ بزااااااف دالحب ???? #حنان_مسعودي #hananemassaoudi
A post shared by Hanane Massaoudi (@hananemassaoudiofficiel) on Dec 18, 2019 at 10:47am PST
وكانت حنان قالت في فيديو المدة ديالو 10 الدقايق أن طليقها ماكيعطيش فلوس النفقة لي مخرج ليه القانون لبنتو، وكيوقف ليها في طريقها باش تخدم، وكيهددها بالملك محمد السادس.
حنان لي بانت مقهورة، قالت أنها مكانتش باغية دير هاد الشوهة، ولكن هو كيهددها وهادشي لي خلاها تكشف أمور شخصية باش تاخد حقها وحق بنتها.