أخنوش عند ناس توبقال وإمليل.. هاشنو دار فهاد الزيارة وها كيفاش استقبلوه – تصاور

عزيز أخنوش، رئيس الحكومة، دار زيارة الجمعة الفايتة لتوبقال وإمليل باش ياخد فترة قصيرة من الكونجي ديالو.
أخنوش وخا عطلة استاغل زيارتو لهاد المناطق باش يشوف المشاريع التنموية والفلاحية والسقوية بالمنطقة.
رئيس الحكومة، حسب ما علمته "كَود"، حرص باش يدير لقاءات مع الفلاحين والمزارعين والسكان البسطاء اللي تما، ناقشو معاه المشاكل ديالهم، خاصة فهاد الظرفية المناخية اللي كتخيم على المنطقة بسباب الجفاف.
أخنوش دارو ليه استقبال خاص سكان منطقتي توبقال وإمليل إقليم الحوز، يتقدمهم رئيس جمعية "توبقال للري والفلاحة". رئيس الحكومة شكر هاد الجمعية والأعضاء ديالها.
وقال أخنوش بهاد المناسبة: "كنشر هاد الجمعية وناسها اللي وحدو الجهود ديالهم وبناو ساقية باش يقدرو يوصلو الماء للي نازل من قمم جبل توبقال للأراضي ديالهم، بصفة منتظمة".