تطوان خلقو مفاجأة فالرباط ضد الفتح وحرموهم من صدارة البطولة

حرم فريق المغرب التطواني المضيف ديالو الفتح الرياضي من الصعود إلى صدارة البطولة، وربحو فتيران الأمير مولاي الحسن بالرباط اليوم الأحد، ضمن الدورة 14 من الدوري الاحترافية.
وخلق المغرب التطواني المفاجأة أمام الفتح الرياضي وربحو بنتيجة 2 لواحد، وماركاو التطوانيين الهدف الأول فالدقيقة 17 عن طريق محمد كمال، اللي رجع سجل الهدف الثاني فالدقيقة 72، ظلت النتيجة كيفما هي حتى للدقيقة 90 فين قدرو الفتحيين يقلصو الفارق بهدف ماركاه المهدي الباسل ولكن هادشي ماكانش يقدر يجنبهم الهزيمة.
وعجز الفتح الرياضي بهاد الخسارة على انتزاع صدارة البطولة وبقات عندو 26 نقطة والفريق فالمركز الثاني مؤقتا، أما المغرب التطواني فرفع رصيدو إلى 16 نقطة والفريق دابا كيحتل المركز 11.