حتى لين غتبقى الجزائر كتستفز المغاربة بلا ما يعاقبها الكاف؟ .. ماتش الوداد مع القبائل غير مرة من بزاف!

من جديد اقترفت السلطات الجزائرية خطأ كبير وهاد المرة برفضها رفع علم المغرب خلال مباراة الوداد الرياضي وشبيبة القبائل الجزائري اليوم الجمعة فالجولة 2 من عصبة أبطال إفريقيا.
عدم سماح السلطات الجزائرية برفع العلم المغربي كيخالف قوانين الإتحاد الدولي لكرة القدم الفيفا والاتحاد الأفريقي لكرة القدم، واللي كتنص المواد ديالها على ضرورة رفع ضرابو الفيفا والكاف والضرابو ديال الفريق الضيف والمستضيف، والأكثر من هادشي هو أن السلطات الجزائرية نزلات علم بلادها باش ما يترفعش علم المغرب فالتيران.
هاد الاستفزازات ديال الجزائري زادت وكثرة فماش الوداد والقبائل ، وبدات الجماهير الجزائرية كتصدر عبارات عنصرية ضد المغرب والمغاربة وكتعاير وتقول "عطيه البنان مغربي حيوان"، وهادشي ضرب سافر للقوانين ديال الكاف والفيفا.
المتتبعين للماتش ديالو الوداد الرياضي وشبيبة القبائل الجزائري، كيشوفو على أن تماطل الإتحاد الإفريقي لكرة القدم فمعاقبة الحزائر بسبب تصريحات حفيد مانديلا الكاذبة والمسيسة ضد المغرب وسب الجمهور الجزائري فافتتاح الشان قبل أسابيع وحرمان السلطات الجزائرية المنتخب المغربي من المشاركة فالبطولة، وهاد الأحداث وقعت قدام انظار رئيس الكاف باتريس موتسيبي، وهي مخليا الجزائر تزد فضسارتها وتزيد تزعم فخرق القوانين الرياضية فكل مرة كتستقبل فيها أراضيها شي بطولة رياضية كيكون فيها طرف مغربي مشارك.
وكيحمل بزاف من المتتبعن لكرة القدم الإفريقية، الإتحاد الإفريقي للعبة والرئيس ديالو باتريس موتسيبي المسؤولية فهاد الحماقات ديال السلطات الجزائرية، حيث تأخر الكاف بدون معنى فمعاقبة الجزائر والاتحاد الجزائري، والماتش ديال الوداد وشبيبة القبائل الجزائري ماشي أول مناسبة كتحاول تستفز فيها الجزائر المغرب.