التبرهيش.. نزلو علم الجزائر حتى هو باش ما يرفعوش الضرابو ديال المغرب فماتش الوداد والقبائل

قررت الجزائر تنزل العلم ديالها ضد فالمغرب قبل من ماتش الوداد الرياضي وشبيبة القبائل الجزائري، اللي مستضف المباراة هاد العشية من اليوم الجمعة فتيران 5 جويلية بالعاصمة الجزائرية.
السلطات الجزائرية رفضت رفع العلم المغربي بملعب 5 جويلية بالعاصمة الجزائرية، وكتفت برفع العلم الجزائري وعلم ديال الإتحاد الإفريقي، فواحدة من الاستفزازات ديال المسؤولين الجزائريين للمغرب وللوداد.
البعثة ديال نادي الوداد الرياضي ما سكتاتش على هاد الأفعال الدنيئة وكتقيص بالروح الرياضية والسلم ما بين الدول، وقدمو المسؤولين ديال الفريق المغربي اعتراض فالبلاصة للجنة المسؤولة على تنظيم اللقاء باش يتم رفع العلم المغربي ويتوضع عالميا فالمكان ديالو كيف العادة.
السلطات الجزائرية وفخطوة صبيانية رفضت طلب اللجنة المسؤولة على تنظيم الماتش وخوفا من انزال الإتحاد الإفريقي لشي عقوبات على الجزائر أو شبيبة القبائل الجزائري قررت تنزل العلم الجزائري حتى هو وتخلي فقط العلم ديال الإتحاد الإفريقي لكرة القدم.