تاعزريت

كليت أنا ومليت
مليت من تاعزريت
اشبعت كليت ومليت
وعليها ما كَديت
اتقهرت يا اميمتي عييت
غلبني الزمان اتهديت
شاب راسي ضعت امشيت
الزين اللي بغيت ما الكَيت
ابغيت شي غزالة تونسني
تلاءمني وتناسبني
تكون قلب جميل تعجبني
تكون بنت الناس يا ريت
تكون قلب حنين وتحبني
تنسيني فتاعزريت
تكون قارية كيف قريت
تكون زوينة كي تمنيت
تكون بنت الناس ياريت
صواب وأداب وحديث
تبكي معايا إلى بكيت
تغني إلى غنيت
تخاف علي إلى شكيت
وإلى تأخرت أو بطيت
كليت أنا ومليت
مليتها تاعزريت
بلية وبيها اتبليت
يا ما عانيت وقاسيت
----------