قصائد زجلية ..في الحشيش، الحب و الشذوذ

كيف ندير آوعدي
الحشيش يا الحشيش
حرام عليك خليتيني هشيش
واش أنا تبليت بيك نربي الريش
و بيك حلات لي الحياة و بغيت نعيش
و انت عامل ليل و نهار تزيدني التهميش
ياك أنا سمحت فصحتي ولات ما تهمنيش
ياك أنا تبعت طريقك اللي غادة ماتوليش
ياك انا ندمت على الدنيا الكافرة و ما رضيتش
و ياك أنا اللي درتها بيدي و يا يد ما تفاكيش
إيوا لاش هاد العقبات و لاش هاد التشويش
لاش مازال الكره و لاش عقلي ما هنانيش
ماتخدلنيش يا الحشيش
ما تحرتكش حلاوتك العسلية
ما تفتشش فدكرياتي الهزلية
لا تقهرني بجوابك
و لا تتعلل بجوادك
عارفك سم نباتي
و عارفك سباب مواتي
قطار حياتي
و دمليج سكاتي
حلها علي راه كلشي دايز
ما يدوم غير الصح و ما يضحك غير الفايز
تمحاو الكَنايز
فشلوا الركايز
تخونوا الكنايز
و يا ويح من بقا وحدو
بين الدياب بلا ناب و للسلاح ما حايز
جمع و طوي فكلام المعطي
يا ويحي منك يا الحشيش
دوا البرد
أجي لعندي أجي
ندوزو شي كونجي
نبعدو شوية على الناس
و نعيشو حبنا الحقيقي بلا دونجي
راه كلشي كاين ماناقصني غير نتي
القص الشراب الفراش و كل ما تشهيتي
حتى حاجة ماتخصك معايا
لا فلوس لا كلام لا مرايا
نتي حبيبتي و نتي مراتي
نتي عسلي و نتي حياتي
ما عرفت الحب غير معاك
و ما قدرت نْعس غير فهواك
أجي نعيشو أجمل قصة حب
أجي نتوانسو بعيد من هاد السرب
أجي عتقيني راني نص مهموم
اللي عاش وحيد مريض و مغموم
أنا اليوم ليك وحدك
و طاب لي بين النسا غير وجهك
كلام العشاق كامل يشتاق
كلام الولية كلو بلية
كلام الغيوان فسوق النسوان
و كلامي و سكاتي كلو آحبيبة غير ليك
كنبغيك كنبغيك
و لازم نديك من والديك
غادي نعيشك فسعادة
و غادي نبليك بالعبادة
هادشي فالمستقبل
أما الآن راه غادي نهبل
خاصني نداويك و داويني
و خاصني نلاقيك و تلاقيني
الدوا الحمر مالو مفعول
و هضرة الناس ما عندها مدلول
إيوا صافي موافقة نروحو
راه ما بقالي صبر على داك الستون
ارتجال
سين وْ جيم
جاوْبْ و سير ضيم
شْكون نْتَا؟
دْكَر وْلا نْتَا؟
نْتَا شادْ وْلا مشدود؟
و شْكون اللي بْلاكْ بالعود؟
شْنُو علاقتك بقوم لوط؟
واشْ عندك قرد وْلا غير بْلُوط؟
تَتْكال بْحال المْرا بَصَح؟
و بالمُمْتَلَكة دْيالك تَتْصَرَح؟
بْغيتي حقك و حريتك تْقَنَن؟
و بغيتي فهادْ الميدان تْفَنَن؟
نْسيتي راك فْبْلاد مَسْلَم؟
نْسيتي بْلي بْحالك تَعْدَم؟
نْتا بريء فيك غير اللُولَة؟
وْلا متهم بفْعايْل مدْلولة؟
جاوَبْتي كْدوبْ غادي تكْلَس عْلى القَرْعَة
و لَوْ كُلْتي الحَقْ نْدوزو عْليك بْرَبْعَة
فكر مزيان نَتْهالاوْ فيك
ما فكرتيش نْرَبيوْ والْديكْ
walid.1984@yahoo.fr