سيناريو رحمة والمكتوب-جزء11-

- مشهد51 -المستشفى -الصباح
تابع
فوزي : أيه ...أربع سنين أسعد
سعد :كيفاش؟
فوزي : )يعود للجلوس على حافة السرير( فديك الليلة وانا باقي عند مراد ،سمعت بالحادثة ديالك مشينا مكان الحادت لقينا النار ردتها جمرة حتى حاجة ما بقات واضحة فيها ، وضنينا بلي الجثة لي كانت فيها ديالتك ودفناها على هاد الأساس ولحد الساعة راه كلشي تايظن بلي راك ميت .
سعد :وكيفاش انا ما مدكر والو فهاد ربع سنين لي دازت؟
فوزي :ربما مني كنتي فالواد تصدم راسك بالصخر و فقدتي الذاكرة .
فوزي :)يقف بعد دخول الطبيب( واش يمكن يخرج أ دكتور؟
الطبيب:ممكن ،غادي نكتب ليه على شي مقويات ،ياخدهوم والله يجيب الشفاء.
- مشهد52 - منزل فوزي - الصباح
يقترب سعد ،بعد أن حلق ذقنه ولبس ملابس عصرية، من فوزي الذي كان جالسا بالصالون.
فوزي : )مبتسم( أه دبا أنت سعد لي تا نعرف
سعد : )يجلس على أريكة أمام فوزي( قول ليا فوزي أشنو لي وقع فهاد أربع سنين ؟
فوزي :)بأسى( نهار الحادثة تصدمنا بزاف و تألمنا ،ومن داك النهار والوليدة ديالك مصدومة تتبكي صباح و عشية .
سعد :)بأسى( مسكينة
فوزي :قولي ماعندكش شي فكرة فين كنتي هاد المدة كلها؟
سعد :)يحرك رأسه إلي جانبيه( ماعندي حتى فكرة ،و معقلت على والوا،راك خلعتيني فاش قولتي ليا اربع سنين.
سعد : )يتراجع إلى الوراء ويلقي بجسده على الأريكة(الحماق هدا ،هادشي ما تيقبلوش العقل.
فوزي : )باسما( مني أنت باقي بخير هدا هو المهم دابا خصنا نمشيوا لدار نوصلوا الخبر للحاجة.
سعد :يالله ،راه تواحشتها بغيت نشوفها.
- مشهد53 - حديقة منزل سعد -الظهر
تفتح الخادمة الباب ويدخل فوزي
فوزي :فين هي الحاجة؟
الخادمة :راها فالجردة كيف العادة
يقترب فوزي من الحاجة )سيدة في بداية الستينات تضع نظارات تصحيح الرؤية( التي كانت جالسة وهي شاردة الدهن.
فوزي :)وهو يقبل يد الحاجة( الحاجة كيف صبحتي ؟
،تنتبه لفوزي الذي جلس أمامها ،تتنهد الحاجة تنهيدة عميقة.
الحاجة:ا لوقت اللي تانشوفك تانتفكر وليدي سعد، كنتي أنت وياه بحال الخوت ماتتفرقو من الصغر .
فوزي:و يبتسم) يزيل نظارته يضعها على المائدة ( كان الوالد الله يرحمو تايجيبني تانبقى نلعب أنا وياه النهار كولو ، ما كانش تايبغيني نفارقو .
الحاجة:الصداقة شي حاجة ثمينة)بصوت باك(باقية الموت ديالو بين عيني الله يرحمو وويوسع عليه فهاد النهار
ينظر إليها فوزي طويلا
فوزي : )يمسك يدي الحاجة بين يديه(شوفي الحاجة انا جايب ليك اليوم خبار غادي تفرحك.
الحاجة : )مبتسمة( هي قررتي تزوج ، قول ليا شكون هي ؟
فوزي :)يحرك رأسه إلى جانبيه( لا مازال ، انا تنقلب على شي امراة تكون عظيمة بحالك و لكن تيبان لي محال نلقاها
الحاجة:يالله قول أشنو الاخبار لي جايب ليا؟
فوزي :هاد الاخبار لي جايب غادي تفرحك بزاف
الحاجة:اوا دوي راك شوقتيني
ينتقل فوزي للجلوس على كرسي قرب الحاجة
فوزي:شوفي الحاجة، الجثة اللي كنا لقيناها مفحمة فالسيارة ودفناها على أساس أنه سعد، راه فالحقيقة ما شي سعد هداك
الحاجة: )مستغربة (فوزي ياك ما شارب شي حاجة ؟ شوفتك تادخل وتخرج فالكلام؟
فوزي:والله الحاجة إلى تانتكلم غير بالمعقول
الحاجة : إلى ما كانت هذيك جثة ديال سعد ، وديالت من؟
فوزي : ماعرفتش ،ولكن ما شي ديال سعد
الحاجة: إلى ما كانت ديال سعد ....سعد فيناهو؟
الحاجة :) تقف بصوت باك ( قولي فوزي واش سعد حي؟ .
فوزي : )يحرك رأسه بالإيجاب( نعم ألحاجة سعد حي و بخير و على خير
الحاجة: اوفين هو دابا؟
فوزي: موجود الحاجة غير تهدني
الحاجة: )مرتبكة( انا مهدنة بغيت نشوف وليدي ديني لعندو