زوجة بوعشرين تخرج عن صمتها وهذا ما قالته عن قضية الكاميرات والإعتقال و التحرش والطلاق ..

في أول خروج اعلامي بعد اعتقال زوجها، كشفت أسماء ، زوجة توفيق بوعشرين مدير "أخبار اليوم" وموقع "اليوم 24"، عن موقفها في قضية الإعتقال و التحرش ، حيث طالبت بأن تخضع لغسيل الدماغ من أجل تصدق أن زوجها وضع كاميرات في مكتبه.
و عبرت أسماء في حوار مع موقع "كود"، عن تضامنها مع زوجها 1000 في المائة، مضيفة بالقول " هادشي مداخلش ليا فراسي لكن ما أطالب به الآن هو تحقيق دقيق وغادي يكون فصالح زوجي وفصالح الضحايا وزوجي ماشي فوق القانون وماشي تحت القانون والمسطرة خاصها تمشي قانونية " .
و حول ما تردد حول طلبها الطلاق من زوجها قالت "كذوب فكذوب ومكاين لا دعوى ديال طلاق لا والو. دبا هادي محنة حنا فيها ومعارفينش غدا شنو جاي ومخاصش الواحد يضرب فالأعراض ديال الناس سواء ديالي أو ديال راجلي أو فالأعراض ديال داك لبنات حتى هوما".
و حول الفيديوهات التي تتحدث الفرقة الوطنية عن وجودها، أوضحت زوجة بوعشرين "أولا نعرفو هاد الفيديوهات واش مفبركين أو صحاحين ونعرفُو شكون صوّرهوم حيتاش ميمكنش شي حد يصور راسو فالبيرو بداك الطريقة. وأنا بعدا خاصهم يديرو ليا غسيل الدماغ باش نتيق أن توفيق داير الكاميرات".
و ختمت أسماء بالدعوة الى مواجهة المشتكيات مع زوجها "ماشي لحفظ حقوق زوجي فقط بل لحفظ حقوقهن حتى هوما"، موضحة "أن الغموض واللبس والاشاعات يلفان الموضوع، وذلك من أجل إحداث التشويش، مؤكدة أن ذلك لا يضرها و أنا عارفة راسي وعارفة راجلي توفيق مزيان، وما يمكن الحديث عنه اليوم هو خاص تحقيق يكون دقيق باش نتيقو فبلادنا وفالقضاء ديالنا".