غير داوي

القضية في التوني

رأى بعض الناس أن ما فعله المسؤولون يعتبر عارا على جبين الوطن الكروي، لأن المغرب أكبر من ثلاثة أو حتى عشرين لاعبا لا يشعرون بمعنى الإنتماء إلى منتخب المغرب· لم يتقبلوا كيف يذهب المسؤولون إلى أوروبا ليستعطفوا لاعبين إحتقروا الفريق الوطني مرة أو مرارا، في الوقت الذي تعج فيه البلاد بلاعين متحمسين لتبلية النداء دون شروط· بلاعبين يحسون بشرف الدفاع عن راية المغرب وقميص المغرب وسمعة المغرب وكرامة المغرب·
- قهرتينا، المغرب المغرب المغرب·· ومال هادوك اللعابة الفكعانين ماشي مغاربة؟
- مغاربة أسيدي·· ولكن، علاش نزاوگو فيهم علاش؟
من أجل التأهل إلى كأس إفريقيا ينبغي أن يهون كل شيء، ويتم الصفح عن الجميع· وهكذا، فأي لاعب سبق له ذات مرة أن فضل الإنتماء إلى فرنسا أو هولندا أو غيرهما على الإنتماء إلى بلاده المغرب·· الله يسامح· نعتابرو ذاك الشي طيش شباب·
وأي لاعب إتهم مناخنا الكروي يوما بالتلوث، وقال كلاما جارحا في حق أبناء بلده في زمن ما··· عفا الله عما سلف، اللسان ما فيه عظم·
وأي لاعب تخلى مرة عن المنتخب المغربي قبل إنطلاق المعركة بأيام بداعي الإصابة، أسيدي ما كدبناهش، واخا الطبيب قال ما في راسوش، المهم غير يرجع والدنيا هانية·· فالوطن غفور رحيم· والوطن الذي يغفر خطايا مقاتلين وجلادين ظلوا يحلمون بتدميره أكثر من ثلاثين سنة، ما فيها باس يزاوگ في شي كوارية دفعو كبير على بلادهم شي نهار؟ والوطن غفور رحيم·
- ودابا كتكلم على لعابة ديال الكورة، ولا على البوليساريو؟
- كنتكلم على الوطن·
- خلينا دابا من السياسة· راه بصح القميص الوطني تبهدل·
- اللّه يستر وصافي· شي نهار غادي يبان لينا المنتخب الوطني لاعب عريان·
- وعلاه هو دابا مستور؟
يُعتبر لاعبو السبعينيات والثمانينيات أكثر المغاربة تألما لرؤية القميص الوطني يتبهدل في سوق الدلالة بين أيادي الشناقين والسماسرة· يعز عليهم أن يأتي زمن لا يقدر فيه لاعب ما معنى قميص المنتخب· فاللاعب أيام زمان كان كيسالي الماتش كيبقا لابس التوني ديال السيلكسيونا اللي لعب بيه في التيران، وكيمشي بيه في الطيارة واخا ريحتو تعطعط· هانية، ما كيحيدو من الفرحة حتى كيدخل لدراهم· أما لاعبنا المحترف، فما إن يعلن الحكم عن نهاية المباراة، حتى يسارع للبحث عن لاعب من المنتخب الخصم كي يتبادل وإياه القميص·
- واش دابا القضية في التوني؟
- إيه، علاش ما يخليوش اللاعبين ديالنا كل واحد فيهم يلعب في المنتخب الوطني بالتوني ديال فرقتو؟ كون كانت هاد القضية والله حتى نربحو·
- بهاد القضية، السماسرية بوحدهم اللي غايصدقو رابحين·
-----------------
السماسرية بوحدهوم اللي غايصدقو رابحين