في خروج غير متوقع.. بنكيران يهاجم أخنوش "مانسمحش ليه يكون رئيس حكومة"

في خروج غير متوقع، هاجم الأمين العام السابق لحزب العدالة والتنمية بنكيران، رئيس حزب التجمع الوطني للأحرار، يومين قبل الانتخابات، وعبّر عن غضبه من الصعود الذي عرفه شخص رجل الأعمال عزيز أخنوش. وإليكم جزء مما قاله عنه:"
اتصل بي أخ عزيز،... هو ماشي اسلامي كاع.. نبهني لأمور لم أكن أنتبه لها..وإذا قدر الله شيئا سيكون.. خطابي موجه لعموم المغاربة.. باعتبار أن الانتخابات معمرها ماغدي تكون شيء ثانوي، وهادشي أقول له تعطى للمواطن مرة في ست سنوات ليختارو الجهة التي ستتولى المسؤولية.. لذلك كل ما سيقع في الخمس سنوات. يعني أن لديكم مسؤولية..وما سيقع لكم لا يمكنكم تصحيحه إذا كان ممكن، إلا بعد خمس سنوات..
أشعر أن هناك شيء يحضر هل ستتغير المعطيات، لا أعرف، لكن هذا ليس في صالح المغرب كدولة.. رغم أنني كبرت في وسط متوسط كبرت في وسط الشعب، وأنا مهووس بالدولة وقوة الدولة، لأن الدولة إذا ضعافت مشا كلشي..
اذا بقيت الدولة كتصحح الاخطاء.. واذا مات النسر كيبقاو اولادو..
كاين أمور ولات كتخلعني. هذي بضع سنوات معرفت شكون حركت الجمهور العريض ضد مؤسسة، ثم بين عشية وضحاها اصبح مطروحا علينا التصويت عليه كرئيس حكومة محتوم.. هذا الشخص كنتم تقاطعونه وبين عشية وضحاها كيوجدو له العراسية ليكون رئيس الحكومة.. والله ما عارف قصة المقاطعة ولكن طبعا بغاو يلصقوها للعدالة والتنمية ولكن منجحاتش.. اش واقع في المغرب.. بالمناسبة اخنوش خمس سنوات وهو معايا في الحكومة كنت معه سمن على عسل، لم اكن انظر له ملاك، ولكن كنت اتجاوز.. واصطدمت معه يوم أخذوا مني هو ومحمد بوسعيد التوقيع على القرى، وانا مكنتش عوال نحبسو عليه..
والثانية ملي دار البلوكاج اللي هو ضربة قاضية للديمقراطية، ولكي ينجحه جاب بلطجي ديال السياسة، ومازال عندو الجرأة باش يتقدم حزب تاريخي مع الأسف قيادته كادت أن تضرب تاريخه في الصفر..
لكن باش يبرز كمرشح ويكون رئيس الحكومة.. الكل يعرف قصة أمهال وثروته كيف جاءت وكيفاش أصبح من أغنى أغنياء المغرب، ولا أعيب على الذين يراكمون المال..ولا أتحدث على 17 مليار درهم التي ننتظر الحكم فيها.. أنا اتكلم على هذا الشخص الذي كنت حريصا على أن يكون معي في حكومة 2011، وذكرت جهات معينة باش يجي ويدخل معايا في الحكومة، أما هو كان في باريس..
ولا أعتبر وزارة الفلاحة فاشلة، هذي 3 مرات وهو وزير الفلاحة، ولكن رئيس الحكومة ماشي هو اخنوش، وعمر أخنوش ما كان وسط حزب سياسي ولا عانى مشكل سياسي، هو في النهاية رجل أعمال،.. ستجد نفسك وجها لوجه مع شعب ومع دولة، وحتى وحدة فيهم ما ساهلة..
ما عندي مشكل تكونو وزير أنت والعلمي وبنشعبون..
علاش عوال تزمت المغاربة.. تدوخهم ممكن ولكن راه كيقراو البرا من الأخير..
نهار دارو فيك اش درتي لبستي فوقيا وكلستي في دارك.. أنا حتى أنا لبست فوقيا ودخلت سوق راسي، ولكن أنا
دوزتها بسلام.. واش انت كتبيع كوفتير عائشة.. الفنانين كيمشيو مع اللي يعطيهم الاشهار..
واش الدعم المباشر، ملي متفق عليه علاش رفضتيه ملي جيتي عندي للمكتب، شرطت عدم دخول الاستقلال للحكومة ورفضت الدعم..
كيفاش داك فوزي لقجع اللي كيوجد ميزانية الدولة، قلت له الفلوس اللي ربحنا من المقاصة فينا هي باش نوزعها على الشعب.. قال كون ماشي الخطوة اللي درت كون ماعنداش الميزانية..
أنا ممتافش تعطي للناس تزيدهم على 5000 درهم.. أنا رأيي أن الفلوس تمشي لتوظيفات جديدة.. ويمشيو للناس إلي في وضعية سيئة.. »
واش بغيتي تدير مواجهة مع الناس، نرجعو ل20 فبراير..
هل لديك القدرة على اصلاح صندوق المقاصة؟ واش تقدر تصلح التقاعد..دبر لراسك.. الكلام اليوم ماشي معاك.. الكلام اليوم مع المغاربة نوضو تصوتو ماتقاطعوش.. الكلام معك سابق لأوانه.. المقاطعين بغاو يديرو الثورة يتفضلو يقودها وحنا نتبعوهم..
حنا مابغينش الثورة وغادي نتصداو ليها..
هذه مسؤولية.. المغاربة اللي ماكتباعو ماكتشراو..واللي كيقولو الحكومة المحكومة الباكور الهندي.. خدو الاحتياطات شكون اللي غادي يولي رئيس حكومة.. وهذا جهدي عليكم المغاربة، وعلى كل حال الله يوفق للخير". (فبراير.كوم)
فيديو بنكيران هنا: https://bit.ly/3BB2tHs