نور الدين عيوش خبير في الاتصال ل"كود": الفيضانات بينات باللي خاص ضريبة على الثروة وفضيحة الفيضانات كانت اكثر اهمية ووقعا من فضيحة البونجة والصطل والكراطة

"كود": عاش المغرب فيضانات اسفرت عن وفاة خمسين شخصا ولم تحرك المغاربة بنفس الحدة الذين تحركوا فكما تحركوا وصدموا بعد مشاهدة صورة البونجة والكراطة والصطل علاش فنظرك؟
هاد الشي كيبين باللي كيهمنا صورتنا فالخارج اكثر من صورتنا فالداخل. باش كتقاش سمعة المغرب فالخارج كلشي يتعبأ كلشي المؤسسات التابعة للدولة والصحافة ورئيس الدولة . صحيح ان الفيضانات كانت تعبئة من الملك والحكومة والصحافة ولكن ماشي بنفس الاهمية على اللي وقع ففضيحة المركب الرياضي مولاي عبد الله بالرباط واتم استعمال الكراطة والبونجة والصطل.
"كود": لكن الفيضانات لم تحظ بنفس الاهمية هل لانه لم نكن نتوفر على صور صادمة شاهدها العالم مباشرة؟
اعيد تكرار ما قلته ان المشكلة مشكلة تعبئة. ناخذو مثال ديال التضامن واش كاينين شركات كبيرة بزاف واكبر مائة مرة من شركتي وباش جا الفيضان عطات 40 الف درهما في حين ان شركتي عطات اكثر. هنا انا مع الضريبة على الثروة راها مهمة بزاف وتساعد المغرب فظروف بحال الفيضانات. ايلى كانت ما غاديش نحتاجو هاد الشركات وهاد لمرفحين يديرو اكتتاب فكل مناسبة.
كود": كاين الشركات وكاين المجتمع المدني اللي حتى هو ما تحركش بزاف فهاد الفيضانات؟
متفق معاك المجتمع المدني ما دارش خدمتو مزيان وانا منو وكنعترف. ولكن كاين استثناء بحال البنك الغذائي اللي قام بعمل مزيان بزاف فهاد الظروف. انا مع كلشي خاصو يتبدل باش ايلي وقعو كوارث طبيعية نكونو مستعدين
"كود": نرجع للسؤال اللي سبق طرحوا عليه فاللول. علاش هاد الاهتمام بصورتنا فالخارج اكثر من صورتنا فالداخل؟
هاد الشي عندو علاقة بنا حنا. مازال عندنا عقلية المستعمر =بفتح الميم= خاصنا ندزو لمرحلة نوليو بحال ميريكان المهم هو صورتنا فالداخل ماشي الخارج.
"كود": بخصوص صورة الكراطة والبونجة والصطل واش هاد الشي مازال يوقع فمغرب كيقول حديث وعصري؟
هاد الصورة كتبين باللي ما عندناش الحرفية الكافية. كلشي كاين وكان ممكن نستعلمو اليات متخصصة ولكن اظهر انه واخا لفلوس مازال كاين مشكل فالصيانة. هاد الشي كيوقع فكل المجالات شوف تراثنا التاريخي ومآثرنا الكثيرة كلها كتفتقد للصيانة. اللي هامني ماشي صورتنا فالخارج فقضية الكراطة ولكن صورتنا فالداخل.
"كود": داز 2014 اش نا هي الصورة اللي بقات راسخة ليك فذاكرتك؟
الفيضانات اللي عشناها بقات راسخة بذاكرتني. كيف قلت ليك ما كيهمنيش الا صورة بلادي عند لمغاربة داك الشي اللي على الخارج ماشي هو المهم