جيتْ نْكْولْ "

كْلامي نْطْرْزو..
بْ رْطوبية ،
سْلامي نْعْبْبْرْ بْ لْمعنى
وْلْفْرحة ، تْدومْ..
نْبارْك لْخوووتي.
بْ لْكْلْب الصافي ،
حْلييبْ نْهدي مْرسولي
نْجييبْ ألفْ هْدية
نْفْرْقها لْيووومْ..
نْرْمي ، خْطواتي
نْحل عْتْبْتي بْ لْخير .
بابي لْمْتْرع وااسْع ،
وْكْبييرْ بْ السْرْ مْصْوْر ،
مْرسووومْ..
مْطْبوع فْ كْتابي صْواابْ
مْنقوش فْ ذاتي .
لغة ، فْصيحة .
مْرشوشْ فْ عْماقي ، ريحة.
مْقيْدْ فْ لْخاااطْرْ ، مْوْشووومْ..
مْسْجْجْلْ فْ دْماغي ، حْروووفْ.
دْوْنْها بْ مْدادي لي فاااضْ.
زْيْنْها بْ " لْغيينْ " وْ " الضّادْ "ْ طْرْزْها .
بْ سْطْري لْمْوْكْضْ
، مْعْلووومْ.. تْسْبيحة .
رْطْبْتْ لْساني. بْ ، صْلاتي.
فْ قْبْة لْوااالي لْمْحبة نْوْرت ، هْلالي .
شْعْلْت لْكْمْرة .
زْيْنْت. سْمايا بْ ، نْجووومْ..
لْبْبْسْتْ لْمْعْزّة فْ ، جووفي.
ضْوّات لي صْدْري نْقّاتووو شْرْبْت لْدْماغي شْجْراااتووو.
لْحْفْتْ راسي بْ قْراااية.
خْلاتْنييي. نْجْحْت لْيوووووومْ....
عبد الرحيم يونس