علاش بنكيران ضرب الطمّ في قضية الزبل ديال الطاليان ؟؟؟

غادي نهضرو بالدارجة هاذ المرة
علاش بنكيران سكت في قضية الزبل ديال الطاليان
علاش ؟؟؟؟
الجواب :
بنكيران كيسكت أمام الفضائح الكبرى ولا يصنع الحدث إلا على ظهر الفضائح الصغرى .
بالمثال يتضح المقال :
بنكيران سكت على فضيحة الكراطة
بنكيران سكت على فضيحة الشوكولاطة
بنكيران سكت على جميع الفضائح ديال الأحزاب اللي مشاركة معاه في الحكومة وفي المقابل ما فلت حتى فضيحة ديال الأحزاب ديال المعارضة
علاش ؟؟؟
بنكيران كيلعب ذكي في هذه المناسبات الفضائحية ، تيخلي الشعب يثور على مول الفضيحة ويبقى هو ساكت حتى الى كثر القيل والقال ومول الفضيحة تورق بزايد بنكيران كيتسنى التدخل الملكي بحالو بحال جميع المشاركين في المهزلة السياسية وهاذ التدخل في الغالب كيكون على شكل تعديل حكومي مصغر واستثنائي كيطفي الغضب ديال الشعب وكيخلي بنكيران مزيان مع صحابو حيث الدقة ما جاتش من عندو وطبعا فعايل بنكيران في هذه المناسبات كتمثل الروح ديال الشمايت اللي ما تنتظر منهم حتى خير ....وطبعا هذا هو السيناريو اللي غادي يوقع مع الحيطي
تدخل ملكي
إقالة الوزيرة وغادي يسميوها استقالة ثم إعادة وضعها في منصب آخر
وزير جديد يتمم الصفقات المزبلية
وبنكيران غادي يتبورد في البرلمان على المعارضة اللي هي كتعارض وما كرهاتش تكون هي اللي مستافدة من الصفقة ديال الزبل
وغادي تسمع منو الضحكة الشريرة
وها ها ها ها ...
ومريضنا ما عنو باس
واللي عندو شي باس
غادي يقولو ليه ما يكون عندك باس