نسا الهمّ ينساك 2 غشت 2011

واحد البنت سولات فقيه :إلا خرجت مع غريب ورقصت وتونست معاه واش حلال؟ قالها حرام وجزاءك النار. قالت ليه طيب، وإلا درتها معاك؟ ضحك الفقيه وقالها: كتقلبي على الجنه يا العفريته!!!.
----------------------------------
واحد كياكل بلا مايقول بسم الله... واحد نهار كال كسكسو بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله
--------------------------------------------
واحد طلاّب طلع للطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا.
-----------------------------------------
هدا واحد الاستاد سول التلاميذ شنو هي النجمة بالفرنسية واحد التلميذ عرفها ولكن هو حشّومي قالها لصاحبو الكسول، داك الكسول قال للاستاذ: "ليطوال "، الاستاذ تعجب او قاليه: ركبها في جملة، جاوب الكسول: اللي طوال ارجعو اللور و اللي قصار ايزيدو لقدام.
--------------------------------
واحد هبيل صايم واتصل ببرنامج الإهداءات قال ليهم: بغيت مقطع من آذان المغرب.
------------------------------------------------------
هادا واحد مشى لهولندا و ما تيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ.
-----------------------------------------------------
واحد الولد قال لجدو: جدي كتعرف فرنسا؟ قال ليه جدو: دوزت فيها خمس سنين قال ليه الولد: كتعرف النجليز؟ قال ليه جدو: دوزت فيها سبع سنين قال ليه الولد: كتعرف البرازيل؟ قال ليه جدو: دوزت فيها تسع سنين قال ليه الولد: واو أجدي، كتعرف الجغرافيا قال ليه جدو: دوزت فيها عشر سنين أولدي!!! --------------------------------------------
هادا واحد مشى يخطب. ملي سولو بات العروسة فاش خدام كاليه دريدور. نوض بات البنت الحيحة باش يزوجهم، قال مع راسو ضروري هادا شي شخصية مهمة وما خاصنيش نفلتو. ملي مشاو عند العدول، سولوا العريس: فاش خدام؟ قال ليهم العريس: دريدور نعام اسيدي قالوا ليه العدول: اشنا هي هاد الخدمة؟ قال ليهم العريس: الدريدور ملي نعام اس كتعجن الشباكية وكطيب، كندردر من فوقها الجنجلان!!
-------------------------------------------------
قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور قال ليه خينا: إيوا فرتت ليا عافاك واحد تلاتة ديال ميل فوي!!!