نسا الهمّ ينساك 15 غشت 2011

عصبي وعصبية
واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني
----------------------------------------------
هادي واحد المرا طيبات لراجلها النهار اللول ملوخية
النهار التاني طيبات ليه خبيزة
النهار التالت طيبات ليه السبانخ
النهار الرابع سولات راجلها: أشنو نطيب ليك اليوم؟
قال ليها: أبلا ما تعدبي راسك، غادي نمشي نسرح بوحدي
---------------------------------------------
هادا واحد كان مسافر ومشى لقاهم ف المطار مركبين واحد المرايا غير توقف قدامها تعرف عليك كلشي. وقف صاحبنا
قدامها وهي تقول ليه المرايا: نتا حمد من المغرب وعندك طيارة من هنا نص ساعة
خينا فرح ومشى حيد عليه الجلابة ولبس عصري. رجع عند المراية وقالت ليه: نتا حمد من المغرب وعندك طيارة من
هنا ربع ساعة
حمد عجبو الحال ناض بدل حوايجو ولبس خليجي ورجع عند المراية، وهي تقول ليه: نتا حمد من المغرب، إيوا بقى تسطى عليا تما حتى تمشي عليك الطيارة
------------------------------------------------

هذا وحد المش مبوق تابع واحد الفار، وهو يهرب ليه وطلع مع القادوس.
تخبى المش ساعة ساعتين ما نزلش ليه الفار.
شوية هو يفكر مزيان وقال: هاو هاو هاو هاو.
الفار قال مع راسو: ما دام الكلب جا إذا المش هرب.
وملي نزل الفار لقى المش كيتسناه وكلاه.
وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز