نسا الهمّ ينساك 29 يوليوز 2011

واحد مغربي قال لواحد الشينوي: ضربني و نضربك
قال ليه الشينوي واخا
جا الشينوي ضربو، وهو يسخف المغربي يومين
فاش فاق، سول الشينوي قال ليه: أشنو هاديك الضربة ضربتيني؟
قال ليه الشينوي: سميتها
Frappe coup
جات نوبة المغربي، ضرب الشينوي وهو يبقى ف كوما عام
ملي فاق، سول المغربي، قال ليه: أشنو هاديك الضربة ضربتيني؟
قال ليه المغربي: سميتها
K.M.J
قال ليه الشينوي: واشنو هي؟
جاوبو المغربي: كلامونيت ملوي في جورنال
-------------------------------------------------
واحد السيد نسيبتو دارت كسيدة ضرباتها طوموبيل
سولوه : هي دارت كسيدة وانت مال شلاقمك كحلين ؟
قال ليهم : شبعت بوسان في الروايض
---------------------------------------------
هادو جوج دودات مشاو للحمام، وخرج ليهوم لوسخ بزاف
واحد الدودة قالت لصاحبتها: ناري ياختي، كون بقينا شويا كون دودنا
-------------------------------------------
واحد السيد ديما كتعايرو مرتو: الناس ݣاع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، قولي ليه مشى للطاليان
قالت ليه واخا
اللي يسولها كتقول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك
---------------------------------------------------------

قال ليك هذا واحد مشى عد مول الكرموس قاليه عطيني هادي...
مني ذاقها قاليه: لبنان هاد شي زيد هاديك لي لهيه.... ذاقها قاليه: لفريز هذا زيد ديك لوحيدة.. هاديك
مول الكرموس: فين هي...
قاليه هاديك أه.... سلخها نذوق . ملّي ذاقها قاليه: الخوخ هذا
وا ضرب 200 كرموسة و هو بارك لمشماش هذا لكيوي هذا لعنب هذا...
مني دخل لطواليت جا مول لكرموس بغا يتخلص سمعوا تاي قول:
مييييييييييييييييييييييييييييمتي لكاياس هذا...
---------------------------------------------------------------------------------------
واحد الولد سولاتو الأستاذة قالت ليه جملة مفيدة فيها بالضبط...
قال لها : علاش أنا بالضبط ؟
----------------------------------------------------------------------------------------
واحد جابو ليه الكومير باش يفطر ناض هزها و تايفيق في ولدو بيها تاينغزوا بيها
تايقوليه : نوض جيب الخبز
---------------------------------------------------------------------------------------
-واحد خايب بزّاف مغطّي وجهو.... مني شدوه البوليس قالو ليه أرا لاكارط
لقاو تصويرتو و كاتب تحتها
عسى أن تكرهوا شيئا و هو خير لكم
--------------------------------------------------------------------------------------