نسا الهمّ ينساك

واحد حول متزوج بوحدا بحالو... قال ليها مني تشوفيني جاي بوحدي ماتحطي والو غير تشوفي معايا راجل حطي الطعام... مراتو شافتو من بعيد جاي بانو ليها 2 حيت حولة... حطات الطعام... دخل بدا ياكل معاها واحد الوقت قال ليها بشوية: كون ماكنتي بوحدك كون سلخت يماك.
--------------------------------------------------
وحدة قالت لراجلها: نصوب لك مصمّن(مسمن) ولا بعرير(بغرير).. قال ليها: صوبي فمك هوا الاول.
------------------------------------------------
وحدة قالت لصاحبها: قول ليا شي حاجة حلوة.. قال ليها سكّر... قالت ليه للللا شي حاجة تجمعنا انا وياك ... قال ليها: صطافيط..
------------------------------------------------
واحد مشا مع دّريا لسينما بالعلم ديال مها... مني بدا لفيلم طفا الضو... دريا كتبكي.. قال ليها مالك.. قالت ليه قالت ليا ماما سيري ومتباتيش.
---------------------------------------------
وحدة قالت لراجلها: حلمت البارح شريتي ليا لبسة واعرة وقال ليها: اليوم حلمي راسك لابساها.
---------------------------------------------------------
واحد ديما كيهز شي حاجة من دارهم، واحد النهار شفّر بورطابل ديال خوه.... تاصلو بيه من الدار قالو ليه: رد البورطابل... وقال ليهم: نتوما أي حاجة تمشي لصقّوها فيا.
--------------------------------------------------
واحد سميتو مبارك شرا حولي داخل بيه للدرب ...جارتو شافتو من الشرجم قالت ليه: مبارك الحولي... قال ليها: خدوج النعجة.