أبو .... أم الأربعة والأربعين

بمناسبة قدوم رأس السنة الميلادية
كل سنة وانتو طيبين
السيد الرئيس
في عيد ميلادك الأربع والأربعين
كل سنة وانت طيب
واحنا مش طيبين
واحنا منيلين بستين ألف ألف نيلة
كل سنة وانت حاكم
واحنا محكومين
واحنا مظلومين
واحنا متهانين
واحنا منفيين
واحنا منكوبين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين وألالاف المختفين
فاكر الجعانين
فاكر المشردين
فاكر اللي ماتو مصبّرين
فاكر الصيدناويين
الله يكون في عونك - ها تفتكر مين وللا مين
في عيد ميلادك الكام والأربعين
بقول لك كلمتين
الأوله
ليلتنا طين
وهل تعلم أن بلدنا بقي مُباح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة تدمر وحما
والإقتصاد سداح
والسرقة بقت كفاح
وسورية متاحة بس للسياح
وعرض البلد بقي مستباح
والثانية
ورتنا الويل
دا الوعد في عهدك بقى خريط
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين نصابين
والقادة بقم طبالين ورقاصين
واديني في الهايف يا مخلوف الملايين
والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن بلدنا بقي تنين
والمحاكم اتملت مظالم
والعدالة بقت ذكريات
وكلمة الحق في الزبالة
وأصحابها في الزنازين
أو همّ ورا الحدود
والخامسة
القطاع العام.... ع ام
والفساد بالمخلوف وفيكم..... ساد
من ساسها الى سماها
وفي جتة بلدنا بيرعي
وحصد الشعب حصد
ولا أبقى ولا أوزر
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف مية يمين
أكملهم لك أربعة واربعين
مع مطلع العام الجديد
وانت بتعرف أم الأربعة والأربعين
وكل سنة وانت .. .. .. .. .. .. .. !!