الكاف مازال ما حدد منظم كأس إفريقيا 2025 ولجنة منو عندها زيارة حاسمة للدول المتنافسة على تنظيمها ومنها المغرب أقوى مرشح

مازال الاتحاد الإفريقي لكرة القدم لم يعلن بعد على هوية البلد المنظم لبطولة كأس إفريقيا 2025، وهذا الشي عكس شي تقارير مصيري اللي خرجت الساعات القليلة الماضية، وتحدثت بأن الكاف حسم الموقف ديالو وغيعطي للمغرب ينظم النسخة المذكورة من البطولة الإفريقي، مع العلم أن المملكة المغربية هي المرشح الأبرز والأقوى لتنظيم المسابقة ولكن مازال ما كاين حتى حاجة رسمية.
وحدد الاتحاد الإفريقي اليوم الثلاثاء 23 ماي 2023، موعد لآخر أجل وضع ملف الترشح لاستضافة كأس إفريقيا 2025 و 2027، ومن المنتظر تبدا لجنة من الكاف تزور الدول اللي تقدمت بطلب ترشح استضافة النسختين وتفقد الجاهزية ديالها والبنية التحتية اللي عندها وقدرتها على تنظيم البطولة وفي مقدمتها المغرب أبرز مرشح لتنظيم نسخة 2025، وهذا نظرا للإمكانيات اللي كتوفر عليها المملكة المغربية.
وكذلك غيستغل الاتحاد الإفريقي لكرة القدم الاجتماع ديال المكتب التنفيذي الخاص به بالبنين يوم 13 يونيو المقبل، باش يناقش ملفات الترشح وأيضا تقارير اللجنة ديالو وزياراتها للبلدان اللي مرشحة باش تنظم كأس إفريقيا 2025 و2027، على أن يتم الحسم قبل حلول شهر سبتمبر المقبل في هوية المنظم حسب مع كان كشف عليه الكاف في وقت سابق.