سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
دراسة تدارت ففرنسا: 10 فالمية من الناس اللي تصابو ب"كورونا" كيبقى فيهم الفيروس طويل الأمد.. خبير مغربي فالصحة العمومية ل"كود": اللي بانت عليه هاد الأعراض خاصوم يشمي للطبيب
قدمت دراسة حديثة صدرت يوم الجمعة الماضي ونشرت في مجلة دولية متخصصة في الأمراض التعفنية أرقام مهمة تطمئن عن حالات التعافي من فيروس "كورونا". وحسب باحث مغربي في الصحة العمومية ل"كود"، فإن هاد الدراسة اللي تدارت على فيروس "كورونا" دارها فريق بحث بمستشفى فرنسي، مشيرا إلى أنها كشف أن 10 في المائة من الناس اللي تصابو بكوفيد كيبقى فيهم الفيروس طويل الأمد حتى لعام تقريبا. ماشي غير هادشي، الباحث اللي هضر معه "كود" قال باللي الدراسة أفادت أن المصابين بالفيروس ضمن هاد النسبة اللي كبقى فيها الفيروس طويل الأمد كيكون عندو مجموعة من الأعراض كيبقاو فيه بحال الزكام والإرهاق ومشاكل في الذاكرة وضيق في التنفس، بالإضافة إلى الألم في المفاصل. وأضاف أن الدراسة كتقول باللي 95 في المائة من الناس لي تصابو بكوفيد طويل الأمد على الاقل 91 في المائة فيهم كتمشي شويا بشويا بعد سنتين، موضحا أن الدراسة أكدت أنه كيتخلصو من كوفيد طويل الأمد. 4 في المائة، حسب الخبير المغربي ل"كود" كيتخصلو بسرعة من هاد كوفيد طويل الأمد وداك 91 في الماية لي كيكونو كبار فالسن او عندهوم أمراض سابقة وكيكميو كتمشي منهوم شويا بشويا، بينما داك 4 في المائة كيكونو شباب ومعندهمش أمراض سابقة وتختفي منهم تماما، وكتبقى 5 فالمية ديال الناس بعد سنتين لي كتبقى عندهوم أعراض كتبقى قوية. كما أكد أن الناس خاصهوم يعرفو اللي داز عليكم كوفيد19 سواء بشكل خطير أو خفيف أو متوسط خاصهوم يمشيو للطبيب يلا كانوا كيحسو بشي أعراض باش يديرو التشخيص حقاش يقدر يكون عندهوم الفيروس طويل الأمد.