زعيم البوليساريو بغى ينقذ أكذوبة الحرب فالصحرا ودار اجتماع عسكري لتنويم ساكنة تندوف

بان زعيم البوليساريو فاجتماع عسكري مع بعض قادة ميليشيات البوليساريو فالرابوني.
الاجتماع بغى منو ابراهيم غالي يرسل رسائل بلي الحرب متواصلة فالصحرا، وذلك منذ وقف اتفاق وقف اطلاق النار لي كتروجليه الجبهة من خلال بلاغات متواصلة، عقر الأذرع الإعلامية ديالها.
قيادة البوليساريو ومن وراها الجزاير، كتبغي من خلال هاد الاجتماعات، تصيفط رسائل للعالم ولساكنة تندوف بالخصوص بلي الحرب متواصلة فالصحرا، وبلي بحال هاد الاجتماعات كتكون بسبب الوقوف على آخر التطورات الحربية بالمنطقة.
وهادشي كامل لي كديرو قيادة البوليساريو بزعامة ابراهيم غالي، كتكذبو حالة الاستقرار والأمن لي كاين بالمنطقة، من غير بعض المحاولات بين الفينة والأخرى لبعض الميليشيات المسلحة للجبهة لي تحاول التقرب من الجدار الأمني العازل، ولكن كتلقى تأهب كبير من كرف القوات المسلحة الملكية لي مأمنة طول الحزام الأمني والحدود المغربية الشرقية.