تأكيدا لانفراد "كود".. بلقشور أكد قدام لقجع أن العصبة خدامة فقانون كيعاقب اللي سب الجامعة فالتيرانات

تأكد أن العصبة الوطنية لكرة القدم الإحترافية خدامة على قانون كيهم معاقبة أي نادي د البطولة الوطنية الجمهور ديالو عاير أو سب الجامعة الملكية المغربية لكرة القدم أو رئيسها والمسؤولين اللي فيها، وهذا الشي راه كان موقع "كود" انفرد بالكشف عليه فوقت سابق.
وعقدت العصبة الوطنية لكرة القدم الاحترافية، برئاسة عبد السلام بلقشور، اليوم الجمعة اجتماع مع رؤساء الأندية الاحترافية بقسميها الأول والثاني، بحضور فوزي لقجع رئيس الجامعة الملكية المغربية لكرة القدم، وخلال هذا الاجتماع أكد بلقشور على القرارات اللي صادق عليها المكتب المديري للعصبة يوم الأربعاء الماضي، ومن بينها مشروع تعديلات في قانون الانضباط واللي تشجب الممارسات اللاأخلاقية داخل الملاعب الكروية، لاسيما المعبر عنها بلافتات أو شعارات كتمس بالمؤسسات والمسؤولين داخلها.
وهنا طبعا، إذا بان المعنى فلا فائدة فالتكرار، فالمؤسسات يعني الجامعة الملكية المغربية لكرة القدم والمسؤولين داخلها هو فوزي لقجع، والجمهور اللي غيسبهم فالتيرانات غيتعاقب هو والفريق ديالو بالويكلو.