اكسبريس: إقليم جبل طارق بدل اسبانيا بالمغرب و مغيبقاش محتاجها هي وسلعتها

قال موقع "express" ان إقليم جبل طارق اللي تابع لبريطانيا غيفتح طريق تجارية جديدة مع المغرب واللي غادي تعزز التجارة وفرص العمل.
وأضاف الموقع البريطاني أن جبل طارق بهاد الطريق اللي غيفتح مع المغرب غيتسغنى على اسبانيا ومغيبقاش معتمد على السلعة اللي كتجي منها.
وفهاد الإطار صرح جوشوا لوت ، رئيس جمعية رجال الأعمال فجبل طارق والمغرب ، لإذاعة جبل طارق ان المغرب بديل حسن من إسبانيا مشيرا أن الجمعية كدير اللي فجهدها باش تدير طريق تجاري فعال بين جبل طارق والمغرب اللي غيسمح بتوفير المنتجات والخدمات المتاحة حاليا عبر إسبانيا.
كما أشار ان تطوير العلاقات مع المغرب مغتكونش على حساب قطع التعاملات التجارية مع إسبانيا ، ولكن السكان ديال جبل طارق غيكون عندهم الاختيار، مضيفا أن هاد العلاقات التجارية اللي غتولي مع المغرب غدير ثورة فبريطانيا وغيستافدو منها .
كما أكد أن المغرب مغيبقاش فعينين سكان جبل طارق غير وجهة للعطلة والسياحة ولكن غيولي وجهة ممكن يخدمو فيها ويديرو لانافيط ليها بشكل يومي.
https://www.express.co.uk/news/world/1796301/Gibraltar-Morocco-British-expats