فرنسية طلعات هي مولات القرطاس وجوج فرادا اللي تلقاو فلوطوروت بين سطات-مراكش

تنسيق أمني بين القيادة الجهوية ديال الدرك في سطات ومراكش والفرقة الوطنية لأبحاث القضائية ديال الجندام سالات فتفكيك قضية القرطاس اللي تلقى فلوطوروت ما بين سطات ومراكش السيمانة اللي فاتت ،بحيت وتلقاو جوج فرادى فلوطوروت 140 قرطاسة ومن بعد الابحاث العلمية والتقنية اللي دارتها هاد الفرق الامنية المشركة تأكدو ان مولاتهم مواطنة فرنسية دارت معها الابحاث واعترفات.
وعلى حساب مصدر "كود" فالسلاح والقرطاس كان ديال ولدها ومدخلينو من أوربا، وبعد مامات ولدها لاحت هاد الشي ديالو فلوطوروت باش تخلص منو .
وحاليا هاد الفرنسية راها تتخضع لتحقيقات خاصة تحت إشراف النيابة العامة المختصة بمحكمة الاستئناف فمراكش وذلك لمعرفة ظروف وملابسات هذا الفلم رواد فيه انها مكانت فيه سوء النية.
وكانت المصالح الامنية ديال اقليم سطات او مراكش عاشت الجمعة لي فاتت حالة استنفار ،وذلك بعدما توصلات بخبر العثور على اكثر من 50 رصاصة حية مشتى بالطريق السيار الرابط بين سطات ومراكش ،الأمر الذي خلا جميع المسؤولين الآمنين حلو فمكان تواجد القرطاس او قامو بحملة تمشيطية باش اجمعو هذا القرطاس لمشتت،من بعدها تم إرساله إلى المختبر الوطني بالرباط من اجل إجراء الخبرة بعدها تم فتح تحقيق في الموضوع تحت إشراف النيابة العامة المختصة لمعرفة ظروف وملابسات النازلة ومعرفة هذا الكمية ديال القرطاس كيفاش تلاحت تم .