علنات واحد الشركة ديال الصيد في روسيا، على أنها عاشت واحد اللحظة نادرة في العلم ديالها، وذلك بعدما صيدات واحد الحوتة يقال أنها الأسرع في العالم. Loading Ad 00:00 / 00:00 هاد الحوتة، لي كيوصفوها بالسمكة الشراعية، صيدوها في جزيرة كوناشير بروسيا. وكيقول معهد عموم روسيا لبحوث مصايد الأسماك وعلم المحيطات أن هاد الصيد نادر جدا لأن الحوتة معروفة أنها كتكون غير فالمناطق الاستوائية. ولي كيأكد أن هاد الحادث نادر، هو أن هادي هي المرة الثانية فقط في التاريخ لي كيلقاو فيها هاد الحوتة، وكترجع المرة الأولى لبداية القرن 20 في خليج بطرس الأكبر. هاد الحوتة المفترسة كتوصل السرعة ديالها ل100 كلم في الساعة، وكيوصل طولها إلى 3 مترو ونص وكتوزن تقريبا 100 كيلوغرام.