الركراكي: ها علاش كنعيط على يحيى جبران للمنتخب

أكد الناخب الوطني وليد الركراكي أن الكابيتان ديال الوداد الرياضي يحيى جبران يستاهل يكون معه فالمنتخب الوطني المغربي، وأنه لاعب ومهم بالنسبة له.
وتحدث وليد الركراكي خلال الندوة الصحافية اللي علن فيها على اللاعبين اللي غيجيو يلعبو ضد اريتريا وتنزاتيا وقال على كابيتان الوداد: "يحيى جبران كنعرفو قبل الوداد الرياضي هو كيعرف سيستيم اللعب ديالي، واحد الوقت نزل شويا فالمستوى ديالو ودابا رجع، عندنا العزوزي حتى هو اللي إذا كان ممكن جبران ما يكونش ولكن العزوزي موعت دونك كتقلب على حل فواحد البوسط اللي عندنا فيه شويا ديال المشاكل ملي ما كيكونش سفيان أمرابط".
وكمل الركراكي: "يحيى جبران هو دائما لاعب ديال تأمين بالنسبة ليا فالخطط ديالي وما عمرني نقول عليه شي حاجة ملي كيجي للمنتخب ديما باغي يتقاتل ويعطي اللي عندو وكنظن مع الماتشات اللي لعب مؤخرا فالسوبر ليك الأفريقي بين بلي يجي يعاونا ودابا كيستاهل يكون معنا".