نايضة على التنسيقيات اللي شاركات فالحوار. شي يشرق شي يغرب: شي باغي 5 الاف زيادة شي باغي التجميد....

مباشرة بعدما تلاقاو ممثلو التنسيقيات مع الحكومة وسالا الحوار بدون نتيجة بداو الأساتذة كيتوجسو من قدرة من يمثلهم على التفاوض وشهدت مجموعات الواتساب والصفحات الفيسبوكية نقاشات حادة حول العدد الكبير للناس لي مشاو للحوار واستحالة يقدر يكون الحوار بناء، ثم المطالب لي كل واحد كيلغي بلغاه
فبعدما كان الاتفاق هو طلب زيادة 5000dh تبين أن ممثلو التنسيقيات طلبو غير 3000dh وهاد النقطة بوحدها أثارت الكثير من السخط، مسألة أخرى بداو الأساتذة كيعيقو بها اخيرا وهي ان السحب ديال النظام الأساسي ماشي حل عملي وأنه قد يكون مطلب بليد، صحيح انه كيبان فالظاهر ديالو انتصار ولكن إذا ما تم فراهم غادي يخصهم يتسناو مدة لا تقل عن سنتين لإنتاج نظام اساسي جديد وحتى حاجة ما كضمن انه يجي بالمكتسبات لي كيطالبو بها كما أن السحب كيعني أن الآلاف من رجال ونساء التعليم غادي يتقاعدو بلا ما يستافدو من ترقيات وتسوية بعض الملفات الفئوية لي جات فالنظام الأساسي كما أن الحكومة ستكون حل من اتفاق 10 دجنبر ديال الزيادة ديال 1500dh فالاجور، كل هذا خلا الأساتذة البارح كيتناقشو على شنو لي مهم واش نشوة الانتصار فالمعركة بسحب النظام الأساسي ولا تحقيق مكتسبات من خلال تعديله.
للإشارة اليوم غادي تكون جولات أخرى من الحوار وغادي نشوفو شنو غادي تكون المخرجات ديالها والاساتذة عموما مطالبين أنهم يساليو اخر اضراب نهاية هذا الأسبوع، علما أنهم عمليا مبقاوش فحالة اضراب بل فحالة تغيب عن العمل لأنهم ما بقاوش كيمشيو للمؤسسات نهائيا مع أن تجسيد الإضراب يقتضي الالتحاق بمقر العمل ثم مغادرته بعد نصف ساعة.