منافسة شاعلة بين دوا ليبا وأديل على شكون غادي تولي أغنى مغنية فبريطانيا

تنافس شرس نايض بين المغنية البريطانية دوا ليبا والمواطنة ديالها أديل على شكون فيهم الأغنى والاعلى دخلا ف البلاد.
على حسب ماقالت الصحافة ف بريطانية فدواليبا ربحات 68 مليون دولار هاد العام وهو لي كيفوت المبلغ لي ربحاتو أديل.
كتقول صحيفة "د الصن" البريطانية، انه واخا الثروة ديال أديل فايتة بزاف الثورة ديال دوا ليبا، إلا أن الأخيرة غادي تقدر تنافسها بشكل كبير ف المستقبل القريب.
دابا الثروة ديال أديل كتقدر ب165 مليون جنيه استريليني ودواليبا عندها غير 27.5 مليون جنيه إسترليني، ولكن الخطوات لي دارت تقدر تزيد من الثروات ديالها بشكل كبير.
دوا ليبا تفارقات مع الشركة السابقة لي كانت كتنتج ليها، وتعاقدات مع شركة واعرة معروفة انها كتطلع النجوم، وبدات كتعاون مع باها لي حتى هو مغني معروف، وهادشي لي خلاها تحقق نجاح كبير ف الألبوم لي طلقاتو ف نوفمر لي فات ولي سميتو Houdini.
كيقولو دابا ان دواليبا غادي تفوت "أديل" قريبا وغادي تولي هي اغنى مغنية في بريطانيا حيت باقا صغيرة، وكيتوقعو أنها غادي تولي ميليارديرة حتى قبل ماتوصل ل 40 عام.