مسؤول بالاتحاد المصري: المغرب ما كيتحكمش فالكاف والباطل اللي حطو عليه خلاه ما ياخدش حقو.. المغاربة ولقجع عطاو بزاف للاتحاد الافريقي ودورهم مميز

اكد احمد مجاهد الرئيس السابق للاتحاد المصري والعضو المسير ضمن الاتحاد المذكور، المغرب تحط عليه الباطل بالكلام اللي كيروج حول انه كيتحكم فالاتحاد الأفريقي لكرة القدم، وان هذا الشي خلاه ما ياخدش الحق ديالو احيانا، واخد ان المغرب والمغاربة الاعضاء فالكاف برئاسة فوزي لقجع عطاو بزاف للكاف والدور ديالهم متميز وبزاف.
وتحدث احمد مجاهد على قناة ontime sports المصرية وقال: "المغرب دايرين خدمة فوق الخيال والممتاز وكنحييو فوزي لقجع والدور العظيم اللي كيدير، ولكن اللي ما باغينش يفهمو الناس هو ان العلاقة اللي ما بيننا وبين المغرب فالاتحاد الأفريقي وبين هاني أبوريدة وفوزي لقجع ماشي علاقة تنافس ولكن كاين تنسيق كامل فكل الأمور".
وكمل المسؤول المصري، ووضح: "واش نقدرو نقولو ان المغرب اللي كيتحكم دابا فالاتحاد الأفريقي لكرة القدم فعهد الرئيس باتريس موتسيبي؟ لا.. المغرب متميزين ومثلوا أفريقيا خير تمثيل فكاس العالم وهادي الحقيقة وكيديرو اللي كيقدرو عليه، وكاين واحد شويا ديال شد وجذب بين الأطراف (بين أعضاء فالكاف والاخوة فالمغرب) بسبب عبارة "المغرب كيتحكم فالكاف"، حيث هاد الكلام صيد ودنين الناس ولكن ماشي موتسيبي "المغرب يؤثر فالكاف، يؤثر، يؤثر"، خلات المغرب أحيانا ما ياخدش حقو".