مضيان ينفي ل"كود" يكون عندو فيديو ولا تسجيل صوتي على المنصوري: كولشي مفبرك وهادي مؤامرة بسبب قرار الفريق البرلماني لي طالب بطرد القيادي لي صرفق النائب منصف الطوب

قال نور الدين مضيان، رئيس الفريق الاستقلالي بمجلس النواب، في تصريح ل"كود"، بلي مشافش حتى شي تسجيل منسوب له، نافيا يكون عندو تسجيل صوتي ولا فيديو بخصوص رفيعة المنصوري نائبة رئيس مجلس جهة الشمال، مؤكدا بلي "كولشي مفبرك".
وأوضح مضيان ل"كود" :"معنديش لا تسجيل ولا فيديو وكولشي مفبرك.. وهادي مؤامرة منذ اجتماع الفريق البرلماني وتقرر باش ترفع توصية للجنة التنفيذية باش يتم طرد للي تسببو فالتصرفيقة للبرلماني منصف طوب".
وبخصوص علاقتو مع المنصوري، قال مضيان ل"كود" :"عام ونص هادي متلاقيتهاش ولا هضرت معها.. هادي 6 اشهر انقطعت عن الدائرة ديالها، ومن نهار طلعات لم تتواصل مع المواطنين ديالها، وتم تجريدها من المسؤولية الاقليمية ديال المرأة ومن مسؤولية تنظيمية فتارجيست..واتخذ الحزب كذلك تجميد في عضويتها على مستوى اقليم الحسيمة".
وتابع :"من تما بدات الحرب، ولكن فالاجتماع الاخير للفريق البرلماني تفجر هادشي، انا مهضرت ومعنديش اوديو ولا تسجيل صوتي وعمرني هضرت وانا كبير على هادشي".