أخنوش على الحوار الاجتماعي: نمتنى فبداية الأسبوع الجاي نلقاو حل مع النقابات لي بغيناها تناقش إصلاح التقاعد حينت إلى بقينا هوكا غنكونو قدام المشاكل ف2028

حدد عزيز أخنوش، رئيس الحكومة، مبدئيا، سقفا زمنيا، هو بداية الأسبوع المقبل، باش يتلقى حل مع النقابات بخصوص الملفات المطلبية المطروحة على طاولة التفاوض ضمن جولة الحوار الاجتماعي، لي جلساتها مستمرة إلى الأسبوع الجاري.
وأشار، فحوار خاص تبث على قناتي الأولى والثانية مساء اليوم الخميس، إلى أن من بين أبرز هاد الملفات "القانون التنظيمي للإضراب، لي مبلوكي فالبرلمان هادي 7 سنين، وتحسين الدخل في القطاعين العام والخاص، وإصلاح أنظمة التقاعد"، مضيفا أن إلى بقينا على هاد الحال فيما يخص هاد الصناديق غنكونو قدام المشاكل في 2028.. لهذا خاص تكون عندنا الشجاعة ونتاخدو قرارات مع النقابات بخصوص هاد الملف".
وأضاف، فهاد الشأن، "اللي بغينا من النقابات هو نناقشو إصلاح التقاعد باش فشهر شتنبر، مع الدخول السياسي، يكون عندنا قوانين جاهزة"، كما هو الشأن بالنسبة للقانون التنظيمي للإضراب "لي خاص التوافق على شنو ممكن يتبدل فيه".
وأكد رئيس الحكومة بلي الحوار الاجتماعي فيه سرية وفيه نقاش وحوار، وبأنه متبع بشكل شخصي الحوار بين الوزراء والنقابات، مبرزا بأنه "كاينين مواضيع أخرى كنستمعو فيها إلى النقابات وكنتحاورو بشأنها".