ها علاش خاص هاد المندوبية الوزارية لحقوق الانسان تغبر. غير امنستي كالت تقدم تقرير حول التعديب في المغرب والصحراء وهي تقرر تنظيم ندوة صحافية

واحد المندوبية قليل اللي كيعرف اش كدير. اسمها المندوبية الوزارية لحقوق الانسان. مهمتها تمشي مرة مرة للدول الغربية باش تبيع ليهم صورة المغرب فحقوق الانسان وكدي صحابها من الصحافيين كل سنة مرة ولا جوج الى جنيف. دابا هاد المندوبية كالو ليها ديري ندوة صحافية معيقة بزاف. دابا امنستي كتقدم تقريرها حول التعذيب في المغرب والصحراء، وعوض ياخذو الوقت ويقراوه ويردوا عليه من بعد قررات هاد المندوبية تنظم ندوة صحافية فالمكتبة الوطنية مع لطناش اي جوج سوايع بعد انطلاق الندوة الاولى.
ياك كاين المجلس الوطني لحقوق الانسان وعندو لجنة جهوية في الصحراء هي الاكثر نشاطا فالمغرب علاش ما يردش المجلس بذكاء عوض هاد المندوبية اللي ما خاصهاش تبقى. عندنا وزارة العدل والحكامة وعندنا وزارة للمجتمع المدني وكاين مجلس وطني لحقوق الانسان يعني بلاصتها ما كايناش وخدمتها من غير الدوران ما عندهاش