بقايا صور. الاحتفاء بحضور اليوسفي في عشاء هولاند محاولة لبعث روح في جسد كيحتضر راه صورة الياس اللي عندها معنى سياسي

فمسلسل كيم أوف ترونت، كاين شخصيات العائدون من الموت، وربما اقتبس الكاتب جورج آر آر مارتن هذه الشخصيات من حزب الإتحاد الإشتراكي بالمغرب ، نظرا للتشابه الغريب بينهم، فحزب الإتحاد الإشتراكي يعيش حاليا خلف السور ، سور الفعل السياسي فالمغرب، وحتى ملي كيتجاوزو ويبغي يدخل للساحة كيدخل كعائد من الموت، بوجه أزرق ودماء متجمدة، مما يجعله منفرا بالنسبة للناخبين كيخافوه يعاود يعضهم، واخا راه مابقاش كيعض وللى غي كيدوي وكيردد أسطوانة الأمجاد الغابرة، رغم أن ماضيه بالنسبة لأي عاقل مافيه حتى مجد سوى مجد تضييع على المغرب سنوات في الصراع من أجل السلطة.
فزيارة الرئيس الفرنسي للمغرب وفحفل الغذاء لي نضمو الملك بهاد المناسبة كان اليوسفي على طاولة الغذاء في ماغاب عنها رئيس الحكومة بنكيران بقهقهته الشهيرة التي كانت ستضفي على الغذاء مسحة من المرح٬ هاد الحضور لليوسفي وغياب بنكيران روج له بعض المنتسبين للإتحاد على أنه اعتراف من القصر ومن فرونسوا هولاند بدور هاد الحزب فالإنتقال الديمقراطي فالمغرب( الإنتقال من أين لأين الله و أعلم)، والمكانة لي عندو فالمشهد السياسي العالمي ولفرنسا بالخصوص، ومنهم من إسترسل في الحديث أكثر وشارك هولاند فالمدح مع اليوسفي علما أن هولاند هو الرئيس الأقل شعبية فتاريخ فرانسا، السيد كيعتابروه بحال شي خطئ قتارفوا الشعب الفرنسي في حق نفسه، هاد الإفلاس ديال الإتحاديين بلغ نهايته ملي ولاو كيفتاخرو ويتغناو بإحياء الموتى سياسيا فالصور على طاولة الغذاء، الصراحة أحسن حاجة يدير والى بغاو يفتاخروا مزيان كاع يديرو ولد العروسية أمين عام للحزب ويخرجوا من باب واسع.
وآخرون استفسروا عن غياب بنكيران وتعويضه بجمال الدبوز، علما أن الأول كيضحك حسن منو وبدون تكلف وبأصالة بلا تهريج، كيدوي من نيتو ولكن كيضحك كيقتل بالضحك كاع، ولكن الملاحظة الأكثر اثارة هي تواجد خاي الياس العماري رفقة الملك منذ فوزه برئاسة جهة طنجة تطوان الحسيمة ضد كيد عديانو اللي كالو راه ربح 150 صوت فدوارهم، ودابا ولى من الفاعلين السياسيين الحقيقيين فهاد البلاد. وكما العادة جار فجنبوا القيادي ديالو الباكوري بحال الأمانة كما وصفه بنكيران، يذكرانك بالتنائي بوتين وميدفيديف، آش كان كايدير الباكوري تما وبأي صفة اللهم وأعلم من غير أنه صاحب الياس اللي كيتاهموه باللي انو صاحب سيدنا، وفيناهي تمثيلية الحكومة المغربية فحتى هذا سر، واخا هو الصراحة ماشي مهم حضورها بزاف في ظل تواجد الحكومة المغربية المستقبلية. بنكيران شد فيه حتى فالصلاة حدا سيدنا وهو لابس الرزة. باين غير حاسدو وصافي.
هاد الصور عندها معنى سياسي ماشي رومانسي كي صورة اليوسفي