تفو على كنس القننب. المغاربة هوما هاذو ماعندهوم لا حس حضاري لا حس المواطنة فاسبانيا كيديرو الصف وفالمغرب كيوليو وحدين اخراين

عبد اللطيف اكنوش٬ استاذ باحث في العلوم السياسية لجامعة الحسن الاول سطات ////
أنا والله ما كا نعرف لا هاذ فاطمة ولا عبوش ولا دنيا بوطازوط ولا هاذ خولة…قالو ليا اللولة ممثلة والثانية شي قنديلة من قناديل البيجيدي…هاذ بوطازوط بغات تسبق هي اللولة في شي إدارة، واخا عباد الله دايرا الصف، وخولة القنديلة ماخلاتهاش، وقلبوها مضاربة…
هاذ بوطازوط ما مربياش والمكان الطبيعي ديالها هو حديقة الحيوان، لأنهو ماشي من حقها ماتحتارمش الصف..وخولة القنديلة حتى هيا تصررفات تصرف الحيوانات لأنه ماكنش تمشي حتى الحد للي تفرركع ليها نيفها…
من جيهتي أنا، كاين تبادل العنف والضرب والجرح، وخاصهوم بجوج يمشيو للحبس من أجل إحداث الفوضى داخل إدرة عمومية..وخاص المسؤولين على الإدارة يديرو بحث معمق على قضية الصف، ويعاقبو رئيس المصلحة إيلى تبين أنهو مادايرش خدمتو شي للي دفع الناس تتخارى على شدان الصف..وسدينا…
ولكن المغاربة هوما هاذو ماعندهوم لا حس حضاري لا حس المواطنة…الناس شادة الصف، والقمقوم ولا القمقومة كا يجيو معططلين ويهرفو على عباد الله، وإيلى قلتي ليه: "حشومة عليك آصاحبي احتارم الصف"، يقول ليك "علاه ما عرفتينيش؟"…وشكون غادي تكون آ الحيوان؟؟؟ راك غير حيوان وصافي…
ديرو واحد التجريبة وتشوفو شحال حنا حيوانات…مللي المغاربة كايكونو في فرنسا ولا في إسبانيا، كاتشوفهوم محتارمين الصف تقول هنا نبات…غير يقطعو من الخزيرات ويدخلو لطنجة، كايتقلبو رأسا على عقب وكايوليو هيوش الله يستر…تقول الريحة ديال البلاد كتسحرهوم وكايرجعو لعهد "الإنسان البدائي"…تفو على كنس القنب ديال الخرا حاشاكم…