استاذة الرقص حكيمة ترد بعدما كالو عليها هي ترشحات والقباج تمنع: هو متطرف وانا طريف اش جاب الصدر الاعظم لعقلية تبدع البكاء والمسكنة انا لا اساعد الاخوة على القذف وعطيوني بالتيساع

بالنسبه للانتخابات في بعض الدول العربيه
هي شبيهة باعطاء مجنون حق قياده السياره فلا السياره تسلم من اذى المجنون و لا المجنون يسلم من اذى نفسه …
ومن عيوب الديموقراطية انها تعطي الحق ل 70% من الجهلاء ليتحكموا في مصير 30% من العقلاء..
المهم ماعليناش اللي نبغي نقول للناس ماتقاطعوش الإنتخابات ولكن عرفو علامن تصوتو وماتصوتوش على اللي كيشري اصواتكم لانه غادي يبيعكم اول ما يأخذ المنصب لأن اللي كيعطي الفلوس ناوي يطلع يضبر على مصيريف ويعوض فلوسو من دمكم ومن عرقكم.
والغريب في الأمر ديال بعض الاشخاص انهم كيتمناو يعيشو في بلاد فيها حقوق الانسان والمساواة بحال اوروبا و في نفس الوقت كاينتاخبو واحد جا يضحك عليكم باسم الحكم بالشريعة مع ان الدول المتقدمة راه الحكم فيها حسب ماينص عليه ميثاق الأمم المتحدة لحقوق الانسان اللي كان هو سبب منع العبودية في كل دول العالم . عرفو شكون تختارو و شكرا للحكومة اللي وعدتنا بالقضاء على الفقر و قضات على الفقراء و اللي واعداتنا بمحاربة الفساد و نفدات وعدها ملي سدات قهاوي الشيشة يمكن غير ماكانوش فاهمين أننا ملي طالبنا بمحاربة الفساد راه ماهضرناش على الشيشة لاااااا راه هضرنا على هادوك اللي قلتو لينا عليهم عفا الله عما سلف و هضرنا على امتيازات و معاشات البرلمانيين و الموظفين الاشباح والارنبات و داكشي.
المهم الله يجيبنا معاكم في الصواب وماتستخدمونيش كورقة لمحاربة قرارات الدولة في الحد من ذخول المتطرفين و المتشددين للبرلمان انا عمرني ما ترشحت ولن اترشح ابدااااا ولا ابدع مثلكم في البكاء و المسكنة لنيل المناصب ولا اساعد الإخوة على القذف ….
فوتوني حيت ماتنسكتش على حقي ومعروف عليا انسانة واضحة وصريحة ولا أفعل في الخفاء ما استحي منه في العلن واعلنها مدوية لا انتمي لحزب معين ولا علاقة ليا بالسياسة.
انا مجرد مواطنة كنحلم نشوف بلادي أحسن دولة في العالم ، بغيت نشوف وليدات بلادي عندهم احسن مدارس وأحسن مستشفيات واحسن طرق و احسن معيشة ومابغيتش نشوف بنات بحال لمياء في عمر الزهور و كيضطرو يبيعو راسهم باش ياكلو و مابغيتش نشوف شبابنا ملاقيش خدمة وعاطيها للقرقوبي و التشرميل ومابغيتش نشوف هاد الحكرة وتجار الدين راكبين الميرسيديس و التواريك و كيجزروا في ولاد الشعب عيشو انتوما الاول في التقشف عاد طالبو الشعب المغربي يزير السمطة نقصو من معاشاتكم عاد نقصو من معاشات الموظفين البسطاء …..
وبالنسبة للكتائب الالكترونية ديال تجار الدين اللي غادي يدخلو يسينياليو الصفحة ديالي حيت نتوما ماكتآمنوش بحرية الرأي و الديموقراطية غير ملي كتبداو تمسكنو وتباكاو مرحبا بكتائبكم اللي ملي ماكتلقاش باش تجاوب كتبدا بالسينيال عندي صفحات اخرى وعندي متابعين وجمهور يسد عين الشمس وعندي موقع كود نقول فيه اللي بغيت وباااااقية واتمدد كائنة زئبقية ما عندكم منين تشدوني ….
رسائلي للكبار فهما لا الكبار سنا
الله يجيب اللي يفهمنا ولا يعطيناش